સામગ્રી :
૫૦૦ ગ્રામ સૂરણ
૨ ચમચી તેલ
૧ ચમચી જીરું
૧ ચમચી તલ
૧ ચમચી તજ-લવિંગનો ભૂકો
૧૦૦ગ્રામ સીંગદાણા
૧ લીંબુ
૨ ચમચી ખાંડ
૪ ચમચી કોપરાની છીણ
મીઠું સ્વાદ મુજબ.

રીત :
સૂરણની છાલ કાઢીને છીણી નાખો. તેમાં મીઠું અને પાણી નાખી રહેવા દો. થોડી વાર પછી ૩ થી ૪ વાર ધોઈ નાખો. ગેસ પર એક વાસણમાં તેલ ગરમ કરવા મૂકી, તેમાં જીરું, તલ અને તજ-લવિંગનો ભૂકો નાખો અને સૂરણની છીણ વઘારો. સીંગને અધકચરી ખાંડીને નાખો અને ધીમા ગેસ પર ચડાવો. મીઠું નાખો. ચડી જાય એટલે લીંબુ અને ખાંડ નાખો. ખીચડી થઈ જાય એટલે એક વાસણમાં કાઢી, તેની પર કોપરાની છીણ ભભરાવો.