સામગ્રી :
૨૫૦ ગ્રામ લીલવા
નાનો ટુકડો આદું
૮ થી ૧૦ લીલાં મરચાં
તેલ જરૂર મુજબ
૧/૨ ચમચી રાઈ
૧ ચમચી તલ
ચપટી સાજીના ફૂલ
૧ બટાકું
૫૦ ગ્રામ પૌંઆ
૪ ચમચી ઝીણી સમારેલી કોથમીર
૧/૨ ચમચી લીંબુના ફૂલ
૨ ચમચી ખાંડ
૧ ચમચી ગરમ મસાલો
કાજુ, દ્રાક્ષ
૩૦૦ ગ્રામ ઘઉંનો લોટ
૩ ચમચી રવો
૧ ચમચી બૂરું ખાંડ
૧/૨ ચમચી લીંબુનો રસ
મીઠું સ્વાદ મુજબ.

રીત :
લીલવાને ધોઈને અધકચરા ક્રશ કરો. લીલાં આદું, મરચાં પણ ક્રશ કરો. પછી એક વાસણમાં તેલ લઈ રાઈ, તલ, લીલાં મરચાં અને આદું નાખી, લીલવા વઘારવા. તેમાં મીઠું નાખો. સાજીના ફૂલ પાણીમાં ઓગાળીને નાખો. લીલવા ઓછા હોય તો બટાકા બાફીને, છીણીને નખાય. પૌંઆ ધોઈને નખાય. લીલવા ચડી જાય એટલે બધો મસાલો નાખો. ઘઉંના લોટમાં રવો, બૂરું ખાંડ, ૨ ચમચી તેલ અને લીંબુનો રસ નાખીને લોટ બાંધો. પૂરી વણી, મસાલો ભરી, કચોરી વાળી, ગરમ તેલમાં તળો. તૈયાર છે ગરમા ગરમ કચોરી.