સામગ્રી :
૫૦ ગ્રામ ફણસી
૫૦ ગ્રામ ગાજર
૨૫૦ ગ્રામ બટાકા
૧૦૦ ગ્રામ લીલા વટાણા
૫૦ ગ્રામ ચોળી
તેલ જરૂર મુજબ
૧/૨ ચમચી રાઈ
૧ ચમચી તલ
૧ ચમચી આદું-મરચાની પેસ્ટ
૧/૪ કપ કોથમીર
૧/૨ નંગ લીંબુ
૧ ચમચી ખાંડ
૨ ચમચી આરાલોટ
ટોસ્ટનો ભૂકો
૨ બ્રેડની સ્લાઈસ
૧ ચમચી ગરમ મસાલો
મીઠું સ્વાદ મુજબ.
રીત :
ફણસી, ગાજર, ચોળી ઝીણા સમારો. તેમને બટાકા, વટાણા સાથે વરાળથી બાફવા. બટાકાને છોલીને છીણી નાખો. ગેસ પર એક વાસણમાં વઘાર માટે તેલ મૂકી, તેમાં રાઈ નાખો. તલ, આદું, મરચાં, કોથમીર નાખી હલાવો. લીંબુનો રસ કાઢીને નાખો. ખાંડ નાખો. આરાલોટ નાખીને હલાવો, જેથી બરાબર મિક્સ થાય. તેમાં ૧ ચમચી ટોસ્ટનો ભૂકો નાખો. આરાલોટ અને કોથમીર બરાબર ચડી જાય ત્યારે શાકમાં ગરમ મસાલો, જરૂરી ટોસ્ટનો ભૂકો, બ્રેડનો ભૂકો ને મીઠું નાખી, બધા મસાલા સાથે મિક્સ કરી ગેસ બંધ કરો. બીબાથી કટલેટ પાડો. ટોસ્ટના ભૂકામાં રગદોળી, ગેસની આંચ વધારી, ગરમ તેલમાં કટલેટ તળવી.
