યુવાવસ્થાનું પગથિયું ચઢતા જ દરેક યુવક ઈચ્છે છે કે તેની કોઈ ગર્લફ્રેન્ડ હોય, પરંતુ યુવકો સાથે સમસ્યા ત્યારે થાય છે જ્યારે તેમને કોઈ યુવતી ગમી જાય છે, પરંતુ તે સમજી નથી શકતા કે તે યુવતી સિંગલ છે કે ઓલરેડી એંગેઝ્ડ એટલે કે યુવતીનો કોઈ બોયફ્રેન્ડ છે કે નહીં. અહીં કેટલીક ટિપ્સ આપવામાં આવી છે, જેનાથી આ વાત જાણી શકો છો કે જે યુવતીને તમે મનોમન પસંદ કરી રહ્યા છો, તે સિંગલ છે કે પછી પહેલાંથી કોઈ બોયફ્રેન્ડ છે.
સમવયસ્ક સાહેલીથી ઘેરાયેલી સિંગલ યુવતી
સિંગલ યુવતીઓની સૌથી મોટી ઓળખ એ છે કે તે સાહેલીઓથી ઘેરાયેલી રહે છે. જે યુવતીને તમે પસંદ કરો છો, તે ભલે ને હાટ બજારમાં હોય કે પછી કોઈ પાર્કમાં, જેા તે સાહેલીઓ સાથે દેખાય, તો તેનો સીધો અર્થ છે કે તેનો હજી સુધી કોઈ બોયફ્રેન્ડ નથી. આવી યુવતી સાથે જેા પ્રયાસ કરશો તો તેની સાથે તમારી મિત્રતા થઈ શકે છે.
રેસ્ટોરન્ટમાં સિંગલ યુવતીનો વ્યવહાર
કોઈ યુવતી સાથે તેની મિત્ર યુવતીઓ રેસ્ટોરન્ટમાં ઘૂસતા જ તેનું ટેબલ શોધે છે, જેની પર તે રોજ પોતાના બોયફ્રેન્ડ સાથે બેસે છે. આ ટેબલ ખાલી મળતા તે ખુશ થઈ જાય છે. આવી યુવતીઓ વારંવાર ઘડિયાળમાં સમય જુએ છે જેમ કે પોતાના બોયફ્રેન્ડ વિના તેમને એક ક્ષણ નથી ગમતું. તેનાથી વિપરીત નાસ્તા અને લંચ માટે રેસ્ટોરન્ટમાં આવેલી સિંગલ યુવતીઓ પોતાની આસપાસ બેઠેલા યુવાન કપલને ચુપચાપ જુએ છે, જેથી અન્ય લોકોની સમક્ષ જાહેર ન થાય એવી નજરથી નિહાળે છે. સિંગલ યુવતીઓ ત્યાં બેઠેલા કપલના વ્યવહાર અને વાતમાં રસ લે છે, જ્યારે જેા યુવતીને બોયફ્રેન્ડ હોય છે તે યુવતીઓ પોતાનામાં મસ્ત રહે છે. તેમની નજર પોતાના બોયફ્રેન્ડની રાહ જેાવામાં દરવાજા પર કેન્દ્રિત રહે છે.
