ઈન્ટરનેટ એવી ટેક્નોલોજી છે, જેના લાભ ગણવા જઈએ તો સમય ઓછો પડે, પરંતુ આ ઈન્ટરનેટે સામાન્ય માણસની જિંદગીમાં ખળભળાટ મચાવી દીધો છે તે પણ કંઈ ઓછું નથી. એક જમાનો હતો જ્યારે ૪ લોકો પણ સાથે બેસતા તો કોલાહલ મચી જતો હતો, જ્યારે આજે તો ૪૦ બેસી જાય તો પણ બરાબર અવાજ નથી નીકળતો. ઈન્ટરનેટની ક્રાંતિએ પૂરી વ્યવસ્થાને હચમચાવી નાખી છે. તેનો સૌથી વધારે નકારાત્મક પ્રભાવ પતિપત્નીના સંબંધ પર પડ્યો છે, કારણ કે આજે મોબાઈલે બેડરૂમમાં પણ પોતાનું મજબૂત સ્થાન બનાવી લીધું છે. પહેલાં જે સમય પતિપત્ની એકબીજાની વાત સાંભળવા અને લડવાઝઘડવામાં પસાર કરતા હતા, આજે તે સમયને મોબાઈલ ખાઈ રહ્યો છે. એક તરફ દૂરના લોકો સાથે વાતો કરવી, હસીમજાક કરવા ખૂબ ગમતા હોય છે, જ્યારે બીજી તરફ પોતાના જ સાથીની વાત કડવી લાગતી હોય છે. પતિપત્નીની વચ્ચે કોઈનું આવવું નુકસાનકારક હોય છે. પછી ભલે ને તે મોબાઈલ જ કેમ ન હોય. બેડરૂમનો સમય પતિપત્ની બંનેનો ખૂબ અંગત હોય છે. તમે દિવસભર જે કંઈ કરો, ગમે તેટલા વ્યસ્ત રહો, પરંતુ બેડરૂમમાં જેા એકબીજાને સમય આપશો તો પણ સ્થિતિ નિયંત્રણમાં રહેશે અને ઘરમાં ખુશીઆનંદ જળવાઈ રહેશે. બેડરૂમ ઉપરાંત ક્વોલિટી ટાઈમ પસાર કરવાની કેટલીક રીત અહીં રજૂ કરીએ છીએ :
લેટ નાઈટ ડ્રાઈવ : મોટાભાગનાં પતિપત્ની ડિનર પછી બેડ પર જતા નેટની દુનિયામાં ખોવાઈ જાય છે. ક્યારેક-ક્યારેક નેટને છોડીને પાર્ટનરની સાથે નાઈટ ડ્રાઈવ પર જવાનું વિચારો. ક્યારેક આઈસક્રીમ ખાવાના બહાને તો ક્યારેક ખુલ્લી હવામાં ફરવાના બહાને.
કોફી અને અમે બંને : ડિનર પછી બહાર જવા માટે અથવા બાલ્કનીમાં હોટ કોફી સાથે રોમેન્ટિક ગપસપ કરો. એકબીજા સાથે ન કરેલી વાતો શેર કરો.
ક્વિક આઉટિંગ : ઘરમાંથી બહાર જવા માટે વીકેન્ડની રાહ કેમ જેાવી? ક્યારેક-ક્યારેક વીક ડે માં જ્યારે સાંજે ઓફિસેથી જલદી નીકળો, ત્યારે પહેલાંથી નક્કી કરેલા પોઈન્ટ પર પાર્ટનરને બોલાવો અને મોલ અથવા નજીકના માર્કેટમાં ફરવાની મજા માણો.
