જેા સ્વાસ્થ્ય સારું હશે તો હસબન્ડવાઈફ ‘લોંગ એન્ડ હેપી લાઈફ જીવી શકશે, પરંતુ સામાન્ય રીતે ઘણી બધી વાર બંને નાનીનાની સ્વાસ્થ્ય સંબંધિત એકબીજાની બેદરકારીને ગણાવવા લાગે છે, પરંતુ આ સ્થિતિમાં આત્મીયતાની વધારે જરૂર હોય છે અને તે હશે તો જ સંબંધ વધારે મજબૂત બને છે. હેલ્થ ઈન્શ્યોરન્સ પણ પોતાના લોકો પ્રત્યેની સ્વાસ્થ્ય સંબંધિત કેર દર્શાવે છે. તેથી જરૂરી છે કે સ્વાસ્થ્યને શેડ્સનો પિલર બનાવીને સંબંધોને આપો હેલ્થ કેરનો મજબૂત પાયો. તો આવો જાણીએ, આ કેવી રીતે કરશો :
હેલ્થ ચેકઅપની પરંપરા શરૂ કરો
પતિ હોય કે પત્ની પોતાની લાઈફસ્ટાઈલ તથા ઘરપરિવારની જવાબદારીમાં તેઓ એટલા વ્યસ્ત રહેતા હોય છે કે ઈચ્છવા છતાં પોતાની હેલ્થનું ધ્યાન નથી રાખી શકતા. બંનેને હેલ્થ સંબંધિત મુશ્કેલી થવા છતાં ક્યારેક સમયનું બહાનું બનાવીને તો ક્યારેક પૈસાની મુશ્કેલીના લીધે પોતાની હેલ્થને નજરઅંદાજ કરતા હોય છે, જેનું પરિણામ તેમણે ઘણી વાર ગંભીર મુશ્કેલીનો સામનો કરીને ભોગવવું પડે છે. આ સ્થિતિમાં જરૂરી છે કે બંને પાર્ટનરે દર વર્ષે ફુલ બોડી ચેકઅપ રૂટિન બનાવવું જેાઈએ, તેનાથી તમને બંનેને પોતાના શરીરની એક્ચ્યુઅલ સિચ્યુએશન વિશે જાણકારી મળશે, સાથે કોઈ ટેસ્ટથી કોઈ હેલ્થ પ્રોબ્લેમની જાણ થાય તો સમયસર તેની સારવાર પણ શક્ય બનશે.
હેલ્થ બાબતે તમે સ્માર્ટ હેલ્થ ચેકઅપના પ્લાનને ઓપ્ટ કરો, જેમાં તમને પેકેજના હિસાબે ટેસ્ટ કરાવવા પર સારું એવું ડિસ્કાઉન્ટ મળે છે સાથે તેમાંથી ટેસ્ટ સસ્તા પણ હોય છે તેમજ તમે આ હેલ્થ પ્લાનથી દર વર્ષે તમારી અને પાર્ટનરની હેલ્થનું ધ્યાન પણ રાખી શકો છો. જેા તમારી હેલ્થ સારી હશે તો તમે ખુશહાલ જીવન જીવી શકશો, નહીં તો બીમારીથી ઘેરાઈને કે સમય પર તેની સારવાર ન થવાથી ન તો તમે સ્વયંને સંભાળી શકશો કે ન તમારા પરિવારને. તેની સાથે બીમારીને આજે ટાળવાથી કાલે તમે કોઈ મોટી મુસીબતમાં પણ ફસાઈ શકો છો. તેથી ‘બી એલર્ટ ફોર યોર હેલ્થ.’
