સામગ્રી :
૨ કપ મેંદો
૧/૪ કપ ઘી
૧ નાની ચમચી લાલ મરચું પાઉડર
૧/૪ નાની ચમચી હળદર પાઉડર
૧ નાની ચમચી ચાટમસાલો
તળવા માટે તેલ
મીઠું સ્વાદ મુજબ.

રીત :
મેંદો, મીઠું, હળદર, લાલ મરચું, ચાટમસાલો અને ઘી મિક્સ કરીને બરાબર મસળો. જરૂર મુજબ પાણી નાખીને કડક લોટ ગૂંદીને ભીના કપડાથી ઢાંકી રાખો. ગૂંદેલા મેંદાના લીંબુ આકારના લૂઆ બનાવીને પાતળી અને ગોળ પાપડી બનાવો. તેની ઉપરનીચેની જગ્યા છોડીને વચ્ચેના ભાગમાં ૧-૧ સેન્ટિમીટર પહોળી પટ્ટી કાપો. હવે તેને રોલ કરીને બંને કિનારીને દબાવીને કારેલાનો આકાર આપો. પેનમાં તેલ ગરમ કરીને તેને મીડિયમ ગેસ પર તળો. ઠંડું કરીને સ્ટોર કરો. ભૂખ લાગે ત્યારે લીલી ચટણી સાથે સર્વ કરો.