સામાન્ય રીતે લોકો સેક્સ માટે સ્વાભાવિક રીતે ઉત્સુક હોય છે. પરિણામે સેક્સ સંબંધિત વાત તેમની ઉત્સુકતામાં વધારો કરે છે, પણ સાથે તેમને બેચેન પણ કરે છે. કોઈ સેક્સ સમસ્યાથી પીડિત વ્યક્તિની બેચેની સમજી શકાય છે, પણ ઘણી વાર તે લોકો પણ ભ્રમમાં રહે છે જેને સેક્સ સંબંધિત કોઈ સમસ્યા નથી થતી. તેનું પરિણામ એ આવે છે કે સેક્સની દષ્ટિથી સ્વસ્થ પતિ પણ કેટલીય વાર એટલા બેચેન અને આશંકિત થઈ જાય છે કે તેમનું દાંપત્ય જીવન સમસ્યાગ્રસ્ત થઈ જાય છે. તેમને પોતાની પર વિશ્વાસ નથી બેસતો કે તેઓ સેક્સ માટે સ્વસ્થ છે. તેમને દવાની ટેવ પડી જાય છે.
એવામાં સવાલ ઊઠે છે કે શું કેટલીક એવી સરળ રીત નથી જેના દ્વારા કોઈ પતિ જાતે જાણી લે કે તેનું સેક્સ સ્વાસ્થ્ય ઠીક છે અને તેને કોઈ દવાની જરૂર નથી? નિષ્ણાતો અનુસાર એવી એક રીત છે જેનાથી કોઈ પણ વ્યક્તિ જાણી શકે છે કે તે સેક્સની કસોટી પર બિલકુલ સાચી છે અથવા તેણે પરેશાન થવાની જરૂર નથી અને ન કોઈ દવાની. આવો, આ રીત વિશે જાણીએ :
સ્ટેમિના કેવી રીતે જાણશો
નિષ્ણાતો અનુસાર જેા કોઈ પુરુષે પોતાના સેક્સ સ્વાસ્થ્ય વિશે જાણવું છે તો તેણે તપાસ કરવું પડશે કે ઊંઘ દરમિયાન તેના જનનાંગમાં ઈરેક્શન થાય છે કે નહીં. સામાન્ય રીતે જે પુરુષને કોઈ શારીરિક અથવા માનસિક સમસ્યા નથી તો તેના જનનાંગમાં ઊંઘ દરમિયાન રાતે ૧ કે ૧ થી વધારે વાર ઈરેક્શન થાય છે. કેટલીય વાર ઊંઘતાંઊંઘતાં પુરુષોને તેનો અહેસાસ થાય છે તો કેટલીક વાર સવારે ઊઠતી વખતે તેના વિશે ખબર પડે છે.
ખાસ વાત એ છે કે ઊંઘ દરમિયાન થતું આ ઈરેક્શન સહવાસ દરમિયાન થતા ઈરેક્શનથી પણ વધારે કડક હોય છે અને ૨૦ થી ૨૫ મિનિટ સુધી કાયમ રહે છે. વ્યક્તિ કેટલીય વાર આશ્ચર્યચકિત રહે છે કે ઈચ્છા વિના અને કામભાવના સપના વિના આ કેવી રીતે થયું. કોઈ પુરુષની જીવનશૈલી અનિયમિત નથી, તેની ખાણીપીણી અસંતુલિત નથી અને તે તાણગ્રસ્ત નથી તો ઊંઘમાં આ ઈરેક્શન થાય છે. જરૂરી નથી કે આ દરરોજ થાય, પણ જેાવા મળ્યું છે કે પરિણીત પુરુષમાં આ એક સહવાસના ૨-૩ દિવસ પછી થઈ શકે છે અને અપરિણીત પુરુષમાં જલદી અથવા દરરોજ થઈ શકે છે.
