રંગોળી

વાર્તા – રિતુ વર્મા

આજે રંગોળીનો બર્થ-ડે હતો અને તેને આશા હતી કે તેના મમ્મીપપ્પા તેને મોંઘી ગિફ્ટ આપશે. કેક કટિંગ પહેલાં રંગોળીએ ગિફ્ટ માંગી ત્યારે મોહિત અને સુપ્રિયાએ તેને સોનેરી કાગળમાં લપેટાયેલું એક પેકેટ પકડાવી દીધું.
પેકેટ ખોલતા જ વીવોનો ફોન જેાઈને રંગોળીએ મો મચકોડ્યું. તેનો મૂડ બગડી ગયો. પછી પેકેટ ફેંકતા બોલી, ‘‘તમે બંનેએ તો આઈફોન લઈ રાખ્યા છે અને મને આ આપી રહ્યા છો.’’
મોહિત અને સુપ્રિયા કઈ બોલે તે પહેલાં રંગોળી ગુસ્સામાં ઝડપથી પોતાના રૂમમાં જતી રહી અને દરવાજેા બંધ કરી દીધો. તેણે એટલું પણ ન વિચાર્યું કે મહેમાનો શું વિચારી રહ્યા હશે.
સુપ્રિયા શરમ અનુભવતા બોલી, ‘‘આજકાલના બાળકોને પણ શું કહેવું.’’
મોહિત બોલ્યો, ‘‘ચાલો કેક પછી કાપીશું, પહેલા ડિનર કરીએ, ત્યાં સુધીમાં રંગોળીને મનાવી પણ લઈશ.’’
૧૭ વર્ષની રંગોળી તુફાન મેલ હતી. ગોરો રંગ, મોટીમોટી આછા પીળા રંગની આંખો, ભરાવદાર કર્લી હેર જે રેશમ જેવા મુલાયમ હતા, મીડિયમ કદ અને નિર્દોષ હાસ્ય. જેાકે રંગોળીનો ચહેરો તેની ગુસ્સાથી ભરેલી નજર સાથે બિલકુલ મેળ ખાતો નહોતો અને આ જ વાત રંગોળીને વધારે આકર્ષક બનાવતી હતી. તે મોહિત અને સુપ્રિયાનું એકમાત્ર સંતાન હતી.
રંગોળી ‘ના’ સાંભળવા ટેવાયેલી નહોતી.
બહાર મોહિત દરવાજેા ખખડાવતો હતો, ‘‘બેટા બહાર લોકો તારી રાહ જેાઈ રહ્યા છે. સારું પપ્પા, તારી પસંદનો ફોન તને અપાવી દઈશું બસ.’’
સાંભળીને રંગોળીએ તરત દરવાજેા ખોલી નાખ્યો. તેણે શોર્ટ અને એક ડીપ નેક ટોપ પહેરી રાખ્યું હતું.
મોહિત બોલતાંબોલતાં અટકી ગયો, પરંતુ તે પોતાની નજર બચાવી રહ્યો હતો. તેને સ્પષ્ટપણે દેખાતું હતું કે તેના મિત્રો વાસનાભરી નજરે રંગોળીને જેાઈ રહ્યા છે.
મહેમાનોના ગયા પછી મોહિતે સુપ્રિયાને કહ્યું, ‘‘તું તેની મા છે, તેને વ્યવસ્થિત કપડાં પહેરતા તો શીખવ.’’
સુપ્રિયાએ ચિડાઈને બોલી, ‘‘નજર તો લોકોની ગંદી છે, રંગોળીની કોઈ ભૂલ નથી.’’
જેાકે સુપ્રિયાને પણ ટિપટોપ રહેવું પસંદ હતું. તે પણ આધુનિક વસ્ત્રો પહેરવાનું પસંદ કરતી હતી, તેથી રંગોળીને કંઈ કહી શકતી નહોતી.
આજે રંગોળી પોતાના મિત્રો સાથે પાર્ટી કરતી હતી. તેણે આજે પણ ખૂબ ખુલ્લા વસ્ત્રો પહેર્યા હતા. પાર્ટીમાં આવેલા કેટલાક યુવાનો રંગોળીની સામે જેાઈ રહ્યા હતા, જે તેના બોયફ્રેન્ડ કૃષ્ણમને નહોતું ગમી રહ્યું. પછી જેાતજેાતામાં વાત વધી ગઈ અને મારપીટની સ્થિતિ ઊભી થઈ. કૃષ્ણમ પણ માત્ર ૧૭ વર્ષનો હતો, તેથી ૨૨ વર્ષના યુવકોનો કેવી રીતે સામનો કરી શકે. ખૂબ મુશ્કેલથી તેમાંથી એક યુવક જેનું નામ ઈશાન હતું. તેણે કૃષ્ણમને બચાવ્યો. આ બધું જેાઈને રંગોળીનો મૂડ ઓફ થઈ ગયો.
કૃષ્ણમ અને રંગોળીના બીજા મિત્રો રંગોળીની આ હરકત જેાઈને સ્તબ્ધ થઈ ગયા હતા. પછી રંગોળી ઝડપભેર તે જગ્યા પરથી બહાર નીકળી ગઈ ત્યારે ઈશાન બોલ્યો, ‘‘શું હું તને મૂકવા આવું?’’
ઈશાનની સ્પોર્ટ્સ બાઈક જેાઈને રંગોળીએ હા પાડી. બાઈક હવા સાથે વાત કરવા લાગી. ઈશાને જ્યારે બાઈકને એક કેફેની સામે ઊભી રાખી ત્યારે રંગોળીએ કોઈ આનાકાની ન કરી. ત્યાં બેસીને બંને ખૂબ વાતો કરતા રહ્યા. ઈશાનને રંગોળીનો બોલ્ડ એન્ડ બ્યૂટિફુલ અંદાજ ખૂબ ગમી ગયો હતો, જ્યારે બીજી તરફ રંગોળીને લાગતું હતું કે બોયફ્રેન્ડ તો ઈશાન જેવો હોવો જેાઈએ. જે જરૂર પડતા હેલ્પ કરી શકે, જ્યારે કૃષ્ણમ હજી બાળક હતો. રંગોળીએ ત્યાં બેઠાંબેઠાં ઈશાન અને પોતાની સેલ્ફી લઈને દરેક સોશિયલ મીડિયા સાઈટ્સ પર અપડેટ કરી દીધી. આજે તો રંગોળીએ આધુનિક યુવાનોની જેમ પોતાની જિંદગીમાં નવા આવેલા બોયફ્રેન્ડની જાહેરાત કરી દીધી હતી.
ઈશાન એક શ્રીમંત પરિવારનો યુવક હતો, તેથી રંગોળી પર ખૂબ ખર્ચ કરતો હતો. રંગોળીની મમ્મી સુપ્રિયા પોતાની સોશિયલ લાઈફમાં એટલી બિઝી હતી કે તેને આ વાતનો જરા પણ અંદેશો ન આવ્યો કે રંગોળીએ પોતાનાથી મોટી ઉંમરના છોકરા સાથે મિત્રતા કરી લીધી છે.
પછી રંગોળીના પગ ઘરમાં ટકતા જ નહોતા. ઈશાન રંગોળીને ખૂબ ફેરવતો. પછી રંગોળીએ તેની સાથે તમામ હદ તોડી નાખી, પરંતુ તેને આ વાતનું કોઈ દુખ કે ચિંતા નહોતી.
જ્યારથી ઈશાન રંગોળીના જીવનમાં આવ્યો હતો, ત્યારથી તેને પૈસાની કોઈ અછત નહોતી. હવે તેણે મમ્મીપપ્પાને પોકેટમની માટે કહેવાનું પણ છોડી દીધું હતું.
મોહિત અને સુપ્રિયાને લાગતું હતું કે રંગોળી હવે સમજદાર થઈ ગઈ છે, પરંતુ તેમને ક્યાં ખબર હતી કે હવે તે પોતાની જરૂરિયાત માટે તેમની પર નિર્ભર નહોતી.
જેાકે મોહિત અને સુપ્રિયાની આંખો ત્યારે ખૂલી જ્યારે એક દિવસ સુપ્રિયાની મોટી બહેને રંગોળીને ઈશાન સાથે હોટલમાંથી બહાર નીકળતા જેાઈ લીધી. પછી મોહિત અને સુપ્રિયાએ જ્યારે આ વિશે રંગોળી સાથે વાત કરી ત્યારે તેણે ખૂબ વિદ્રોહ સાથે કહ્યું, ‘‘પહેલા તમને લોકોને એ પ્રોબ્લેમ રહેતો હતો કે હું તમને ખૂબ ખર્ચા કરાવી રહી છું, જ્યારે હવે હું તમારી પાસે કંઈ જ માંગતી નથી તો પણ તમને પ્રોબ્લેમ છે.’’
મોહિત બોલ્યો, ‘‘આ કોઈ ઉંમર છે કોલેજના છોકરાઓ સાથે ફરવાની?’’
રંગોળીએ તરત જવાબ આપ્યો, ‘‘જ્યારે તમારી હજી સુધી ઉંમર છે હરવાફરવાની તો જેા હું હરીફરી રહી છું તો તેમાં ખોટું શું છે?’’
મોહિત અને સુપ્રિયા આગળ કંઈ ન બોલી શક્યા. બંનેનું અલગ મિત્રવર્તુળ હતું. એકબીજાથી કંટાળીને બંનેએ પોતાની ખુશી માટેની જગ્યા બનાવી હતી અને આ વાત બંને સારી રીતે જાણતા હતા.
બીજી તરફ ઈશાન ધીરેધીરે રંગોળીને પ્રેમ કરવા લાગ્યો હતો. રંગોળીની ખુશી માટે તે તેની ભૂલને પણ નજરઅંદાજ કરી દેતો હતો. જ્યારે રંગોળી ૨૦ વર્ષની થઈ ત્યારે તેણે ઈશાનને પોતાના માટે એક સ્પા પાર્લર ખોલવા માટે કહ્યું.
ઈશાને કહ્યું, ‘‘તેની શું જરૂર છે રંગોળી?’’
રંગોળી ભોળા હાસ્ય સાથે બોલી, ‘‘હું ઈન્ડિપેન્ડન્ટ થવા ઈચ્છુ છું.’’
ઈશાનને ખબર હતી કે જેા તે પોતાના ઘરેથી રૂપિયા ૨૫ લાખની રકમ ગર્લફ્રેન્ડ માટે માંગશે તો તેના માતાપિતા તેને ક્યારેય નહીં આપે. તેથી તેણે તેના મમ્મીપપ્પાને એમ કહ્યું કે આ રકમ તેને પોતાને બિઝનેસ કરવા જેાઈએ છે.
ઈશાન રંગોળીના પ્રેમમાં એટલો પાગલ હતો કે તેણે પાર્લર માત્ર રંગોળીના નામે શરૂ કર્યું. રંગોળીને જ્યારે ઈશાને સ્પાના કાગળ પકડાવ્યા ત્યારે રંગોળી ભાવુક થઈ ગઈ અને ઈશાનને ભેટી પડી.
ઈશાન બોલ્યો, ‘‘અરે, હું અને તું અલગ નથી, જેા તારું છે તે મારું પણ છે.’’

સુપ્રિયા અને મોહિત પણ રંગોળીના સ્પા પાર્લરના મુહૂર્તમાં આવ્યા હતા. જેાકે તે બંને જાણતા હતા કે સ્પામાં પૂરા પૈસા ઈશાનના છે, છતાં બંનેએ એ વિષયે પોતાની આંખો બંધ કરી દીધી. વિપરીત બંને પોતાની દીકરીની હોશિયારીના ગુણગાન ગાઈ રહ્યા હતા.
રંગોળીનું આ સ્પા પાર્લર ધીરેધીરે પ્રખ્યાત થઈ રહ્યું હતું. તેને પણ બીજા પાસેથી પોતાનું કામ કઢાવતા સારી રીતે આવડતું અને આ જ હોશિયારીનો ઉપયોગ કરીને તેણે શહેરના બધા પૈસાપાત્ર લોકોને પોતાના ક્લાયંટ બનાવ્યા હતા.
માત્ર ૧ વર્ષમાં રંગોળીનું સ્પા પાર્લર નંબર ૧ બની ગયું હતું. હવે તેને પૈસા માટે ઈશાનની જરૂર નહોતી. હવે તે પોતાના જીવનમાં એક નવા સાથીને ઈચ્છવા લાગી. તે ઈશાનથી બોર થઈ ગઈ હતી.
હવે જ્યારે પણ ઈશાન આવતો રંગોળી તેને ઈગ્નોર કરવા લાગી હતી. શરૂઆતમાં ઈશાનને ન સમજાયું, પરંતુ પાછળથી રંગોળીનો બદલાયેલો વ્યવહાર જેાઈને તેને ખૂબ ખરાબ લાગ્યું. એક દિવસે તેણે કંટાળીને રંગોળીને સીધું પૂછી લીધું ત્યારે રંગોળીએ સ્પષ્ટ શબ્દોમાં કહી દીધું, ‘‘ઈશાન હવે હું તને અંધારામાં રાખવા નથી ઈચ્છતી, હવે મને તારામાં કોઈ રસ રહ્યો નથી.’’
ઈશાને કટાક્ષ કરતા કહ્યું, ‘‘હા… હા. તને માત્ર મારા પૈસામાં રસ હતો ને જે હવે તારી પાસે પણ છે.’’
સાંભળીને અદાથી વાળ ઝાટકતા કહ્યું, ‘‘તને પણ મારી સુંદરતામાં રસ હતો ને અને રહી વાત મારા પૈસાની તો તેને હું પરત કરી દઈશ.’’
ઈશાન હારેલાથાકેલા લહેકામાં બોલ્યો, ‘‘પૈસા તો ઠીક, પરંતુ મેં તારી પર મૂકેલો વિશ્વાસ કેવી રીતે પરત કરીશ?’’
પરંતુ રંગોળી કંઈ જ બોલ્યા વિના પોતાનું કામ કરવા લાગી.
ઈશાનના જિંદગીમાંથી ગયા પછી રંગોળી રોજ નવાનવા છોકરાઓ સાથે સમય પસાર કરવા લાગી હતી. હવે તે કોઈ એક સાથી સાથે બંધાવા ઈચ્છતી નહોતી. દરરોજ નવા બનતા સંબંધના સહારે તે એક પછી એક સફળતાની સીડી ચઢતી ગઈ, તેમ છતાં તે ખુશ નહોતી.
એક સ્પા પાર્લરની માલકણ પાસે જે પ્રતિભા નથી હોતી તે હતી જેનો સપનેય રંગોળીએ વિચાર કર્યો નહોતો. દરરોજ નવા બની રહેલા સંબંધોના લીધે તે પહેલાંથી પણ વધારે પોતાની નામના કરી ચૂકી હતી.
રંગોળીના મમ્મીપપ્પાએ પહેલા તો તેને પ્રેમથી પછી ગુસ્સાથી સમજાવ્યું અને પછી હારીને તેને તેના હાલ પર છોડી દીધી. રંગોળીના લગ્નની સંભાવના ખૂબ ધૂંધળી થઈ રહી હતી. હવે તે પણ કોઈ સામાન્ય વ્યક્તિ સાથે લગ્ન કરવા તૈયાર નહોતી. આ રીતે દિવસો મહિનામાં અને મહિના વર્ષોમાં પરિવર્તિત થઈ રહ્યા હતા.
રંગોળી હવે ૨૭ વર્ષની થઈ ગઈ હતી. તેના નવાજૂના પ્રેમી લગ્ન થયા પછી પાલતુ બની ગયા હતા. જે ખુલ્લેઆમ રંગોળી સાથે ફરતા હતા, તેઓ હવે માત્ર રાત્રિના અંધારામાં રંગોળીનો સાથ ઈચ્છતા હતા. જેાકે રંગોળી જે કંઈ પણ કરતી તે ખુલ્લેઆમ કરતી હતી. છુપાઈને કંઈ પણ કરવું તેને ક્યારેય પસંદ નહોતું, તેથી અત્યારે તો તે જિંદગીના વળાંક પર એકલી પડી ગઈ હતી અને પોતાની જિંદગીથી કંટાળી ગઈ હતી.
તેના જીવનમાં અનિરુદ્ધ આવ્યો. અનિરુદ્ધનો સ્થાનિક રાજકીય પાર્ટીમાં ખૂબ દબદબો હતો. એક દિવસે તે રંગોળીના સ્પા પાર્લરમાં મસાજ કરાવવા આવ્યો અને ન જાણે તે મસાજે એવો જાદૂ કર્યો કે હવે અનિરુદ્ધ રોજ સ્પા પર આવવા લાગ્યો હતો.
જેાકે અનિરુદ્ધનું રંગોળી ખૂબ ધ્યાન રાખતી હતી. તેને અનિરુદ્ધ સાથે રાજકીય ચર્ચા કરવામાં અને રાજકીય વાતાવરણ વિશે જાણવામાં ખૂબ મજા આવતી હતી. અનિરુદ્ધ શરૂમાં રંગોળીને માત્ર એક સુંદર મહિલા સમજતો હતો, પરંતુ પછી રંગોળીની કુશાગ્ર બુદ્ધિ જેાઈને ખૂબ પ્રભાવિત થઈ ગયો હતો.
તે હવે રંગોળી સાથે પોતાની જિંદગી વિતાવવા ઈચ્છતો હતો, પરંતુ તે ૪૩ વર્ષનો ડિવોર્સી હતો. જ્યારે અનિરુદ્ધે રંગોળી સાથે આ વિષયે વાત કરી ત્યારે રંગોળીને લાગ્યું કે પોતાના મનની ઈચ્છા પૂરી થઈ ગઈ છે.
આ વાત સાંભળીને રંગોળીના માતાપિતા ખૂબ દુખી થયા. તેના પપ્પા મોહિતે કહ્યું, ‘‘રંગોળી, અત્યાર સુધી તેં તારું ગમતું કર્યું છે, પરંતુ હવે અમે તને કૂવામાં નહીં ધકેલીએ. અનિરુદ્ધ તારાથી ૧૬ વર્ષ મોટો છે અને ખૂબ બદનામ રાજકારણી છે, તેની વિરુદ્ધ કોણ જાણે કેટલાય કેસ ચાલી રહ્યા છે.’’
રંગોળી બોલી, ‘‘હું મારી મરજીની માલિક છું અને મારા સપનાની સફર માત્ર એક સ્પા પાર્લર પર પૂરી નથી થતી. હું મારી યાત્રા શહેર સુધી સીમિત રાખવા નથી ઈચ્છતી. અનિરુદ્ધ સાથેની મારી આ યાત્રાને એક નવી દિશા મળશે. પૈસા ખૂબ કમાઈ લીધા છે, હવે મારે થોડો પાવર પણ જેાઈએ છે.
પછી રંગોળી અને અનિરુદ્ધે કોર્ટમાં લગ્ન કરી લીધા. આ લગ્ન પછી રંગોળીએ રાજકારણમાં દબદબો બનાવવાનો આરંભ કરી દીધો. થોડા સમયમાં તેના નામની ચર્ચા થવા લાગી. રંગોળીના માતાપિતાએ પણ દીકરીની નામના જેાઈને દીકરી પાસેથી લાભ મેળવવામાં પોતાની ભલાઈ સમજી.
રંગોળીના સગાંસંબંધી જે પહેલા તેને ચાલુ અને કોણ જાણે બીજું શું શું કહેતા હતા તે હવે કલાકો સુધી રંગોળીને મળવાની રાહ જેાવા લાગ્યા.
રંગોળીના વધતા કદથી હવે અનિરુદ્ધને પણ પરેશાની થવા લાગી હતી. તે રંગોળી પર મા બનવાનું દબાણ કરવા લાગ્યો હતો, પરંતુ રંગોળી આગામી વિધાનસભા ચૂંટણી લડવા ઈચ્છતી હતી.
અનિરુદ્ધે રંગોળીને કહ્યું, ‘‘મારે મારો વારસ હવે જેાઈએ છે.’’
રંગોળીએ કટાક્ષ કરતા કહ્યું, ‘‘તમે મારી સાથે લગ્ન શું વારસ પેદા કરવા માટે કર્યા હતા? તમે ભૂલી રહ્યા છો કે તમને તમારા પહેલા લગ્નથી પણ ૨ બાળકો છે, જે તમારા ઉત્તરાધિકારી બનશે.’’

હવે અનિરુદ્ધ રંગોળીથી ખૂબ નારાજ થઈ ગયો હતો. તેને રંગોળીમાં પોતાની પત્ની નહીં, પણ હરીફ વધારે દેખાઈ રહી હતી. તે સારી રીતે જાણતો હતો કે જે રંગોળીને એક વાર સત્તાનો સ્વાદ લાગી ગયો તો તે તેને પણ દુખમાં પડેલી માખીની જેમ કાઢીને બહાર ફેંકી દેશે. જ્યારે રંગોળીને અનિરુદ્ધની પાર્ટીમાંથી ટિકિટ ન મળી તો તે વિરોધી પાર્ટીમાં સામેલ થઈ ગઈ. ત્યાંથી તેને ટિકિટ પણ મળી ગઈ અને મજાની વાત એ હતી કે તે ચૂંટણીમાં તેના પતિ અનિરુદ્ધ વિરુદ્ધ ચૂંટણીમાં ઊભી રહી.
અનિરુદ્ધ વિધાનસભાની ચૂંટણી સાથે પોતાની પાર્ટીમાં પણ સાખ હારી ચૂક્યો હતો. હવે રંગોળી અને અનિરુદ્ધ પતિપત્ની હતા, પરંતુ માત્ર કાગળ પર.
રંગોળીમાં જેમજેમ નવા રંગ જેાડાતા ગયા તેમતેમ તેના સમીકરણ પણ બદલાઈ રહ્યા હતા.
હવે રંગોળી પ્રદેશની યુવા નેતા હતી અને તેને મુખ્યમંત્રીની નજીકની માનવામાં આવતી હતી. રંગોળીની નજર હવે મંત્રીપદ પર હતી. રંગોળીના મોડી રાત સુધી બહાર રહેવાના લીધે અનિરુદ્ધે તેને અલ્ટિમેટમ આપી દીધું, ‘‘સત્તા અને મારામાંથી કોઈ એકને પસંદ કરી લે.’’
રંગોળીએ હસીને ખુશીખુશી ડિવોર્સના કાગળ અનિરુદ્ધને પકડાવી દીધા અને કહ્યું, ‘‘નેતા, કોઈ એલિમની લીધા વિના ડિવોર્સ આપી રહી છું. હવે સત્તા જ મારો પ્રેમ છે, કારણ કે તે પુરુષોની જેમ અને પોતાની મિલકત નથી સમજતી, પરંતુ તે મને માનસન્માન અપાવે છે, જે કોઈ પણ સાથી ક્યારેય મને અપાવી શક્યા નહોતા.’’
હવે રંગોળી જિંદગીના બધા રંગમાંથી પસાર થઈને અસ્ત તરફ આગળ વધી રહી હતી.