વર્ક એન્ડ ફેમિલી લાઈફને બેલેન્સ કરવી કોઈ પણ મહિલા માટે સૌથી મોટો પડકાર છે, કારણ કે ઘરપરિવારની સાથે વર્ક પ્લેસ બંનેને એકસાથે મેનેજ કરવા કે પછી તેની વચ્ચે બેલેન્સ રાખીને ચાલવું એટલો ઈઝી ટાસ્ક નથી ખાસ તો ત્યારે જ્યારે પરિવારનો સપોર્ટ ન હોય. આ સ્થિતિમાં જેા વાત નવપરિણીતની થાય, જેના માટે સાસુ ઉર્ફે બોસના દ્વંદ્વમાં ફસાવું વાજબી છે. એવામાં તે કેવી રીતે ઘર અને ઓફિસમાં તાલમેલ બેસાડશે, આવો જાણીએ :
પરિવારને પ્રાથમિકતા આપો
તમારે સારી રીતે સમજવું જેાઈએ કે તમારા લગ્ન હમણાં જ થયા છે, તેથી તમે તમારા નવા ઘરમાં શરૂઆતથી જ તમારા સંબંધ સાચવીને, તેમાં મીઠાશ જાળવીને ચાલો અને એ ત્યારે જ શક્ય છે જ્યારે તમે લગ્ન પછી સૌપ્રથમ તમારા નવા ઘરને પ્રાથમિકતા આપો. તમે પરિવાર સાથે સમય વિતાવો. તેમની ટેવો જાણવાની કોશિશ કરો, તેમની વાત પહેલાં જાણો, પછી રિસ્પોંસ આપો. ઘરમાં કઈ વસ્તુ કયા સમયે થાય છે, તે મુજબ એડજસ્ટ થાઓ. તમારા પાર્ટનરનો પણ ફુલ સપોર્ટ માંગો, જેથી તમને શરૂઆતથી વાત સમજવા અને તેમાં તાલમેલ બેસાડવામાં સમસ્યાનો સામનો ન કરવો પડે. જ્યારે તમે તેને દિલથી પોતાના માનશો, તેના માટે દરેક બેસ્ટ કરવાની કોશિશ કરશો તો વિશ્વાસ રાખો તમને ઘર અને વર્ક લાઈફ વચ્ચે બેલેન્સ જાળવવામાં કોઈ સમસ્યા નહીં થાય.
ઓફિસમાં વધારે સમય બેસીને કામ ન કરો
લગ્ન થયા છે તો તમારે ઘરને વધારે સમય આપવો જેાઈએ, પરંતુ તેનો મતલબ એ નથી કે તમે ઓફિસને પ્રાથમિકતા આપવાનું બંધ કરો. બસ તમે શરૂઆતમાં ઓફિસમાં વાત કરો કે હું હમણાં થોડો સમય ઓફિસ ટાઈમથી વધારે ઓફિસને ટાઈમ નહીં આપી શકું, પણ હું ઓફિસના કામના કલાકોમાં મારા કામને ફુલ પ્રાથમિકતા આપીશ. તેથી તમારો બોસ તમારી વાત જરૂર સમજાશે અને તમને ઘર અને ઓફિસ વચ્ચે તાલમેલ બેસાડવામાં સરળતા રહેશે. તમે લગ્ન પછી પહેલાંની જેમ ઓફિસમાં ઓવરટાઈમ કામ કરશો, તો ન ઘરવાળા તમને સમજાશે કે ન તમે તેમને, તો તમને તેમની સાથે તાલમેલ બેસાડવામાં સમસ્યા થઈ શકે છે તેથી લગ્ન પછી થોડા દિવસ માટે ઓફિસને ઓફિસમાં જ છોડીને આવવામાં સમજદારી છે. તમે તમારા નવા સંબંધમાં મીઠાશ લાવો, નહીં તો આ કામમાં મોડું તમારી પર ભારે પડી શકે છે.
લેટ નાઈટ શિફ્ટ અવોઈડ કરો
શક્ય છે કે તમે એવી કંપનીમાં જેાબ કરો છો, જ્યાં તમારી શિફ્ટમાં ડ્યૂટિ થાય છે અને લગ્ન પહેલાં તમે આ વાત તમારા ઈનલોજને જણાવી હોય, ત્યારે જ સંબંધની વાત આગળ વધી હોય છે. તેમ છતાં તમારે શરૂઆતમાં એ વાત સમજવી પડશે કે ભલે તમારો પાર્ટનર, તમારા ઈનલોજ ગમે તેટલા સારા કેમ ન હોય, પરંતુ શરૂઆતમાં તમારું લેટ નાઈટ ઘરે આવવું તેમને ખટકશે.
તેથી બોસ કે પછી તમારા ટીમ લીડર સાથે વાત કરીને પહેલાંથી તેમને સમજવો કે મારા હમણાં લગ્ન થયા છે, તેથી મને થોડો સમય ઘર અને ઓફિસ વચ્ચે બેલેન્સ બેસાડવામાં થોડી મુશ્કેલી થઈ શકે છે, પરંતુ જેા હું શરૂઆતમાં થોડા દિવસ ઓફિસમાં લેટ નાઈટ શિફ્ટ અવોઈડ કરું તો તેનાથી મને મારા પરિવારને વધારે અને સારી રીતે સમજવામાં સરળતા રહેશે, જેથી આગળ દરેક કામમાં તાલમેલ બેસાડવો સરળ રહેશે.
વર્ક એરિયાની ગોસિપ ઘરે ન લાવો
ભલે તમારો પાર્ટનર ગમે તેટલો સારો હોય, ફેમિલી સપોર્ટ કરે છે, તેમ છતાં તમારે એ વાત સમજવી પડશે કે આ તમારા મોમનું ઘર નથી, જ્યાં તમે ઘરે પહોંચતા જ તમારી ઓફિસની વાત કરવાનું શરૂ કરી દો. ઓફિસથી આવતા જ બસ ક્યારેક કોલીગની વાત, તો ક્યારેક તમારા બોસે આજે આ ટાસ્ક આપ્યો, આજે અમે ઓફિસમાં આ મસ્તી કરી, કાલનો આ પ્લાન છે વગેરેવગેરે. આ વાતથી થોડા સમયમાં જ પાર્ટનર અને ઘરના લોકો કંટાળી જશે. તેમને લાગશે કે તમારી પાસે માત્ર ને માત્ર ઓફિસ વિશે વાત કરવાનો સમય છે, જ્યારે તમે પરિવાર સાથે સારો તાલમેલ બેસાડવા ઓફિસથી આવીને તેમની સાથે ચા પર તમારો આજનો દિવસ કેવો રહ્યો, કેટલીક નવી વસ્તુ વિશે તેમની પાસેથી જાણી શકો છો.
તમે પરિવાર સાથે ક્વોલિટી ટાઈમ પણ સ્પેન્ડ કરી શકશો અને તેનાથી તમારી ફેમિલી અને પાર્ટનરને પણ સારું લાગશે કે તમે તેમની સાથે હળવામળવાની કોશિશ કરી રહ્યા છો, કારણ કે સંબંધમાં મીઠાશ બંને બાજુથી હોવી જેાઈએ ન કે એફર્ટ માત્ર એક બાજુથી.
પરિવાર સાથે સમય વિતાવો
તમે ન્યૂલી વેડ છો તો પાર્ટનર અને ફેમિલી સાથે મસ્તી, આઉટિંગ પ્લાન તો બને જ છે, કારણ કે લગ્નના શરૂઆતના દિવસ જ આજીવન યાદ આવે છે, નહીં તો પછી માણસ ઘરપરિવારની જવાબદારીમાં ગૂંચવાઈને રહી જાય છે. એવામાં તમે લગ્નના શરૂઆતના દિવસોમાં ઓફિસમાંથી વચ્ચેવચ્ચે લીવ લઈને ક્યારેક ફેમિલી સાથે ડિનર પ્લાન કરો, તો ક્યારેક બહાર ફરવાનો પ્રોગ્રામ બનાવો, તો ક્યારેક મૂવી જેાવાનો. તેથી નવા સંબંધ સમજવાની સાથે તમને તમારા પાર્ટનર સાથે પણ ટાઈમ સ્પેન્ડ કરવાની તક મળશે અને જ્યારે પણ ફેમિલી તમારી સાથે ટાઈમ સ્પેન્ડ કરવાની વાત કરે તો ના ન પાડો, પરંતુ વસ્તુને મેનેજ કરતા શીખો. તેથી જ્યારે તમે પરિવારની વાતનું માન રાખશો તો પરિવારજનો પણ તમારી દરેક વાતનું માન રાખશે, પરંતુ આ બધા એફર્ટ તમારે શરૂઆતમાં કરવા પડશે. બંને બાજુથી સારી સમજ વિકસિત થશે.
સેલરી અથવા પોઝિશનનો અહંકાર ન કરો
શક્ય છે કે તમારી સેલરી તમારા પાર્ટનરથી વધારે હોય કે પછી તમારી કંપનીમાં પોઝિશન સારી હોય, પણ તેનો એ મતલબ બિલકુલ નથી કે તમે તમારા પાર્ટનરની સામે કે ઘરમાં હંમેશાં સેલરી અથવા પોઝિશનનો અહંકાર ન બતાવો. તેનાથી માત્ર ને માત્ર પરિવાર શરમિંદા થશે. તેનાથી સારી વાત તો એ છે કે તમે સામેની વ્યક્તિને સમજેા અને બધાને માન આપો, નહીં તો તમારી આ હરકત શરૂઆતમાં જ સંબંધમાં ખટાશ પેદા કરવાનું કામ કરશે. તેથી જેા તમે લગ્ન પછી ઓફિસ અને ઘર વચ્ચે તાલમેલ રાખીને ચાલવા ઈચ્છો છો તો સમજદારીથી કામ લો, નહીં તો એક વાર સંબંધમાં જન્મેલી કડવાશ આજીવન સંબંધમાં ભળી જાય છે, જેનાથી બચવું મહદ્ અંશે તમારા જ હાથમાં છે.
– પારૂલ ભટનાગર.
