ટ્રેડિશનલ પોશાક પસંદ કરનારી અભિનેત્રી વિદ્યા બાલને કહ્યું હતું કે તેમને ઝૂમખા એટલા પસંદ છે કે તે તેને ખરીદવાની એક તક ગુમાવતી નથી. તે ટ્રેનમાં વેચાતા ૫ રૂપિયાના સસ્તા ઝૂમખા સુધી ખરીદીને પહેરે છે. વિદ્યા બાલન પરંપરાગત જ્વેલરીની મોટી ચાહક છે.
સોનમ કપૂર પોતાની સ્ટાઈલ સાથે એક્સપેરિમેન્ટ કરે છે અને તેનો આ લુક બધાને ખૂબ ગમે છે. તેને પણ જ્વેલરીનો ખૂબ શોખ છે. તે જ્વેલરી ભલે ને મોંઘી હોય કે સસ્તી, ડ્રેસ સાથે મેચિંગ જ પહેરે છે. તે મુજબ ડ્રેસ ટ્રેડિશનલ હોય કે વેસ્ટર્ન જ્વેલરી દરેક પોશાકની જરૂર છે.
અભિનેત્રી દીપિકા પાદુકોણને ખૂબ ટ્રેન્ડી જ્વેલરી પહેરવી ગમે છે. તેને લાંબા અને લટકતા એરિંગ્સ પહેરેલી જેાઈ શકો છો, કારણ કે તેનો ફેસ લાંબો છે. આ વિશે કૃષ્ણા જ્વેલરી એક્સપર્ટ હરિકૃષ્ણા જણાવે છે કે ફેસ વ્યક્તિના વ્યક્તિત્વનો અરીસો હોય છે. યોગ્ય જ્વેલરી સુંદરતાને અનેક ગણી વધારે છે, તેથી હેવી જ્વેલરીથી વધારે એલીગેન્ટ લુકવાળી જ્વેલરી આજના યૂથની પહેલી પસંદ હોય છે અને આ જ ટ્રેન્ડ છે. તેથી જ્યારે પણ કોઈ મહિલા મારી પાસે આવે છે ત્યારે તેને હું ફેસ મુજબ જ્વેલરી ખરીદવાની સલાહ આપું છું. એટલું જ નહીં, કેટલીય વાર જેાયું છે કે જ્વેલરીની પસંદગી ફેસ મુજબ ન કરતા પૂરો ફેસ બદલાઈ જાય છે.
આવો જાણીએ કે કેવી જ્વેલરી પહેરવી જેાઈએ, જેથી બધાની નજર તમારી પર આવીને કેન્દ્રિત થશે :
ઓવલ ફેસ
ઓવલ ફેસની સૌથી સારી વાત એ છે કે આ મહિલાઓ કોઈ પણ લંબાઈ અને સ્ટાઈલના નેકલેસ પહેરી શકે છે. આ રીતે ઓવલ અથવા ટિયર ડ્રોપ ડિઝાઈનવાળા રાઉન્ડ નેકલેસ જે તમારા ફેસના શેપની નકલ કરે છે, બેસ્ટ ઓપ્શન માનવામાં આવે છે. બીજી બાજુ જિઓમેટ્રિકલ પેંડેંટ સાથે શોર્ટ નેકલેસ મિનિમલિસ્ટિક લુક માટે શાનદાર હોય છે. લુકને પરફેક્ટ બનાવવા માટે સ્ટડેડ એરિંગ્સ અથવા વાઈડ એરિંગ્સ સારો લુક આપે છે.
