ઓનિયન પેન કેક

સામગ્રી :
૧ મોટો કપ સોજી
૧/૨ કપ દહીં
જરૂર મુજબ સ્પ્રિંગ ડુંગળી
૧ નાની ચમચી લાલ મરચું પાઉડર
૧ નાની ચમચી ફ્રૂટ સોલ્ટ
રિફાઈન્ડ તેલ જરૂર મુજબ
મીઠું સ્વાદ મુજબ.

રીત :
સોજીમાં દહીં, મીઠું અને લાલ મરચું મિક્સ કરો. જરૂર મુજબ પાણી નાખીને ફીણો. ઘટ્ટ ખીરું તૈયાર કરો. ધ્યાન રહે કે ખીરામાં ગાંઠ ન પડે. નોનસ્ટિક તવાને ગરમ કરો. તૈયાર ખીરામાં ફ્રૂટ સોલ્ટ નાખીને ફીણો. હળવા ગરમ તવા પર ખીરું રેડીને ગોળાકાર ફેલાવો. તેની પર ડુંગળીના સ્પ્રિંગ ફેલાવો. કિનારી પર તેલ લગાવતા બંને બાજુથી પેન કેક શેકો. લીલી ચટણી સાથે સર્વ કરો.