સેક્સમાં સ્ટેલ્થિંગ મજા માટે દગો

છેલ્લા થોડા વર્ષથી એ વાતની ચર્ચા સામાન્ય બની ગઈ છે કે શું થાય જ્યારે સેક્સ દરમિયાન મેલ પાર્ટનર છુપાઈને કોન્ડોમ કાઢી નાખે? કેટલાક દેશમાં તેને અપરાધ માનવામાં આવે છે, પરંતુ આપણા દેશમાં પરંપરા અને ધર્મના નામે મહિલાઓને ગુલામ બનાવવાના ષડ્યંત્રો રચવામાં આવે છે. શું આપણા દેશમાં તેના માટે કોઈ સખત કાયદો બનશે…

૨૦૧૬માં ‘લિપસ્ટિક અંડર માય બુરખા’ ફિલ્મ આવી હતી. તે સમયે આ ફિલ્મને લઈને ખૂબ હોબાળો મચ્યો હતો. ફિલ્મ પુરુષપ્રધાન સમાજે બનાવેલા સ્ટીરિયોટાઈપને તોડી રહી હતી. આ ફિલ્મમાં ૪ મહિલાની સિક્રેટ લાઈફને બતાવવામાં આવી હતી જેમાં તે પોતાના માટે ફ્રીડમ શોધી રહી છે. આમ તો ફિલ્મમાં ચારેય મહિલાની અલગ કહાણી હતી, પરંતુ તેમાંનું એક રસપ્રદ પાત્ર શિરીન અસલમ (કોંકણા સેન શર્મા) હતી જે બુરખો પહેરનાર સામાન્ય ઘરની મહિલા છે, ગૃહિણી છે, ૩ બાળકોની મા અને પોતાના પતિથી છુપાઈને ઘરેઘરે ફરીને સામાન વેચીને પોતાના માટે પોકેટ મની કમાય છે. તેનો પતિ રહીમ (સુશાંતસિંહ) તેને સેક્સ્યુઅલી ડોમિનેટ કરતો હોય છે. પત્નીને પોતાની ગુલામી સમજતો હોય છે. સેક્સને માત્ર પુરુષોના પ્લેઝર અને બાળક પેદા કરવાની પ્રક્રિયા માને છે. તેના માટે તેની પત્ની ઈચ્છા વિના, પ્લેઝર વિના રાખનાર માત્ર મીણની ઢીંગલી સમાન હોય છે, જેને માત્ર પથારી પર પોતાની ઈચ્છા થાય ત્યારે ઊંઘાડી દેવામાં આવે.
સેક્સ દરમિયાન રહીમ કોન્ડોમને ન પહેરવાની વાતને માત્ર પોતાના પ્લેઝર અને અધિકાર સાથે જેાડતો હોય છે. ૩ બાળકોનો જન્મ અને શિરીનના ઈન્કાર કરવા છતાં રહીમ સેક્સ દરમિયાન પ્રોટેક્શન યૂઝ નથી કરતો. પછી ક્યારેક શિરીનના કહેવા પર યૂઝ કરી લે છે ત્યારે સેક્સ દરમિયાન વચ્ચે તેની સહમતી વિના કોન્ડોમને દૂર કરી દેતો હોય છે, જેથી પ્રેગ્નન્સીને અટકાવવાની પૂરી જવાબદારી શિરીન પર આવી પડે છે અને તેને ઈમર્જન્સી પિલ્સ લેવી પડે છે. પિલ્સ લેવાથી તેની હેલ્થ પર અસર થાય છે અને તેણે ઘણી વાર ગર્ભપાત પણ કરાવવો પડે છે.

છેતરપિંડી નહીં તો બીજું શું
વિશ્વભરમાં એમ તો સેક્સ દરમિયાન પુરુષ દ્વારા સહમતી લીધા વિના કોન્ડોમ ન પહેરવાનો વિવાદ નવો નથી. નવો વિવાદ એ છે કે શું થાય જ્યારે મેલ પાર્ટનર સેક્સ દરમિયાન ધીરેથી પોતાની પાર્ટનરને જણાવ્યા વિના કોન્ડોમ કાઢી નાખે? શું તેને છેતરપિંડી અને વિશ્વાસઘાત ન કહી શકાય? શું તેને મહિલાને છેતરવી નહીં કહો. આ વિવાદ છેલ્લા થોડાક વર્ષથી ચર્ચામાં છે. સેક્સ દરમિયાન પાર્ટનરને જાણ કર્યા વિના કોન્ડોમ કાઢી નાખવાને ‘સ્ટેલ્થિંગ’ કહેવામાં આવે છે. આપણા દેશમાં હજી પણ સામૂહિક બળાત્કાર બાબતે ચર્ચા ચાલી રહી છે. આ સ્થિતિમાં સ્ટેલ્થિંગની ચર્ચા એ પગલું આગળનું લાગે છે.
૨૦૧૯ ની ‘નેશનલ લાઈબ્રેરી ઓફ મેડિસિન’ ના એક સ્ટડીમાં જેાવા મળ્યું હતું કે ૨૧ થી ૩૦ વર્ષની ૧૨ ટકા મહિલાઓને સ્ટેલ્થિંગનો અનુભવ થયો છે. તેમને આ વાતની જાણ થતી નહોતી અને તેમના પાર્ટનર કોન્ડોમ દૂર કરી ચૂક્યા હતા. આ અહેસાસ છેતરાવા જેવો હોય છે અને તેને મહિલાના આત્મસન્માન સાથે જેાડીને જેાઈ શકાય છે. વર્ષ ૨૦૧૯ ના બીજા એક અભ્યાસમાં જેાવા મળ્યું હતું કે લગભગ ૧૦ ટકા પુરુષોએ પોતાના પાર્ટનરને જણાવ્યા વિના સેક્સ સમયે છુપાઈને કોન્ડોમ દૂર કરી દીધો હતો.

અપરાધની શ્રેણીમાં સ્ટેલ્થિંગ
આ બાબતે અમેરિકાના કેલિફોર્નિયામાં સેક્સ સંબંધિત એક કાયદો પસાર કર્યો છે. જેમાં ‘સ્ટેલ્થિંગ’ ને અપરાધની શ્રેણીમાં મૂકવામાં આવ્યું છે. તેની સાથે કેલિફોર્નિયા હવે અમેરિકાનું પહેલું એવું રાજ્ય બની ગયું છે જ્યાં સ્ટેલ્થિંગને ગેરકાનૂની બનાવી દેવામાં આવ્યું છે. આ મુદ્દાને ઘણા બધા વર્ષથી ઉઠાવી રહેલી ડેમોક્રેટ સભ્ય ક્રિસ્ટીના ગાર્સિયા આ મુદ્દા પર કાયદો પસાર કરવાના પ્રયાસ કરી રહી હતી. ગાર્સિયા સતત આવા કિસ્સાને અપરાધ જાહેર કરતા અપરાધીઓને જેલ હવાલે કરવાની માગણી કરી રહી હતી.
આ પ્રસ્તાવ અનુસાર, પાર્ટનરની સહમતી વિના કોન્ડોમ કાઢી નાખનાર આરોપી પર સિવિલ કોડ અંતર્ગત કેસ દાખલ કરી શકાશે. આ કાયદા અંતર્ગત પીડિત પોતાના વળતર માટે આરોપી વિરુદ્ધ કેસ દાખલ કરી શકે છે, પરંતુ બીજી કોઈ પ્રકારની સજા આપી શકાતી નથી. ગાર્સિયાના કહ્યા અનુસાર સ્ટેલ્થિંગના લીધે મહિલાઓમાં સેક્સ ટ્રાન્સમિટેડ ડિસીઝ અને પ્રેગ્નન્સીનું જેાખમ વધી જાય છે. આ પણ એક પ્રકારે વિશ્વાસઘાત અને છેતરવા બરાબર છે.

અનૈતિક અને ગેરકાનૂની
સ્ટેલ્થિંગ ન માત્ર અનૈતિક છે, પરંતુ ગેરકાનૂની છે. વાત માત્ર અહીં જ અટકતી નથી, સ્ટેલ્થિંગ બાબતે બનેલા કાયદામાં પીડિતને વળતર માટે કેસ કરવાની મંજૂરી છે. અમેરિકામાં જેાકે સ્ટેલ્થિંગ પર પ્રતિબંધ મૂકવામાં આવે છે, પરંતુ તેને અપરાધની શ્રેણીમાં મૂકવામાં આવ્યું નથી.
દુનિયાભરમાં આ બાબતે યૌન હુમલાથી લઈને બળાત્કાર સુધીના કેસ નોંધાયા પછી માત્ર પસંદગીના કેસ સફળ થયા. જર્મનીના એક પોલીસ અધિકારીને સાથીની સહમતી વિના કોન્ડોમ કાઢવા બદલ યૌન ઉત્પીડનનો દોષી ઠેરવવામાં આવ્યો હતો. અદાલતે તેને ૮ મહિનાની જેલની સજા સંભળાવી હતી. પીડિતના યૌન સ્વાસ્થ્યની તપાસ માટે ૮,૩૦૦ રૂપિયા અને વળતર રૂપે ૨.૬૨ લાખ રૂપિયાનો દંડ ફટકારવામાં આવ્યો હતો.

સજા પણ થઈ
ન્યૂઝીલેન્ડમાં ૨ વર્ષ પહેલાં એક વ્યક્તિને સેક્સ વર્કર સાથે સ્ટેલ્થિંગ કરવાથી બળાત્કારનો દોષી ઠેરવવામાં આવ્યો હતો. આ અપરાધ માટે તેને ૩ વર્ષ ૯ મહિનાની જેલની સજા થઈ હતી. આ જ રીતે બ્રિટનમાં પણ સ્ટેલ્થિંગને બળાત્કાર માનવામાં?આવે છે. જેાકે ત્યાં તે માટે કોઈ ખાસ કાયદા નથી.
વર્ષ ૨૦૧૯ માં એક વ્યક્તિને કોઈ સેક્સ વર્કર સાથે સ્ટેલ્થિંગ કરવા બદલ બળાત્કારનો દોષી માનવામાં આવ્યો હતો. અદાલતે આરોપી દ્વારા કોન્ડોમ દૂર કરવાની ઘટનામાં સેક્સ વર્કરની શરત સહમતીને નકારતા સંબંધને બળાત્કાર જણાવ્યો.
૨૦૧૪ માં કેનેડા જ્યારે વર્ષ ૨૦૧૭ માં સ્વિટ્ઝર્લેન્ડમાં આ બાબતે યૌન ઉત્પીડનનો સફળ કેસ ચલાવવામાં આવ્યો હતો. સ્ટેલ્થિંગના સૌથી હાઈ પ્રોફાઈલ કેસમાં એક કેસ જૂલિયન અસાંજનો રહ્યો છે. તેમના પર વર્ષ ૨૦૧૦ માં સ્વીડનની યાત્રા દરમિયાન અલગઅલગ મહિલાઓએ સેક્સ કરતી વખતે કોન્ડોમ દૂર કરવાનો આરોપ મૂક્યો હતો. જેાકે તેમને કોઈ પણ અપરાધના દોષી માની શક્યા નહોતા, કારણ કે અમેરિકાને સોંપી દેવાના ડરથી તેમણે સ્વીડન જવાની ના પાડી હતી.

કોન્ડોમને લઈને અસહજતા
હકીકતમાં કોન્ડોમને લઈને પૂરી દુનિયામાં આજે પણ અસહજતા છે, જેનું મોટું કારણ એ છે કે કોન્ડોમ સેક્સના કુદરતી આનંદને ઘટાડેે છે. પુરુષોને કોન્ડોમનો ઉપયોગ કરવાથી સેક્સ દરમિયાન સ્કિન ટૂ સ્કિન કોન્ટેક્ટ ફિલ નથી થતો અને તેઓ લિંગ પર વજાઈનાની ગરમીનો અનુભવ નથી કરી શકતા, તેથી તેમને કોન્ડોમનો ઉપયોગ પસંદ નથી હોતો. શક્ય છે કે કોન્ડોમના લીધે સેક્સ દરમિયાન કેટલીક મહિલાઓને ફિલ થતું હશે. પુરુષો કોન્ડોમ બાબતે જે પ્રકારના વિચારો ધરાવે છે, તેમાં સૌથી કોમન જે ઘણી વાર તેમની વાતમાં બહાર આવે છે તે એ છે કે તેને પહેર્યા પછી સેક્સમાં સંતુષ્ટિ નથી મળતી. ઈરેક્શનમાં મુશ્કેલી આવે છે. પુરુષોને તેમની યોગ્ય સાઈઝ અને ફિટિંગના કોન્ડોમ દુકાનમાં નથી મળતા. ઘણી વાર તેમને કોન્ડોમની સાઈઝ વિશે યોગ્ય જાણકારી નથી હોતી, જેથી તેઓ સેક્સ દરમિયાન ડિસકંફર્ટ રહે છે. યોગ્ય સાઈઝ ન મળવાથી તેઓ યોગ્ય રીતે સેક્સનો આનંદ નથી ઉઠાવી શકતા. ઘણા બધાને કોન્ડોમથી એલર્જી પણ થાય છે. ઘણા બધા તેને પૌરુષત્વ સાથે જેાડીને જુએ છે.

‘કોલંબિયા જર્નલ ઓફ જેન્ડર એન્ડ લો’ ના એક સ્ટડી અનુસાર કેટલાક પુરુષ મહિલાઓને સરપ્રાઈઝ આપવાના ચક્કરમાં કોન્ડોમ કાઢી નાખે છે. આ સરપ્રાઈઝ તેઓ મહિલાને એક્સાઈટ કરવા માટે કરે છે. ઘણા બધા પુરુષો નિશ્ચિંત હોય છે કે આફ્ટર સેક્સ પ્રેગ્નન્સીને અટકાવવા માટે બર્થ કંટ્રોલ પિલ્સ માર્કેટમાં ઉપલબ્ધ છે, પરંતુ મુશ્કેલી અહીં એ છે કે પિલ્સ પુરુષોએ લેવી નથી પડતી. આ પિલ્સની સાઈડ ઈફેક્ટ સાથે તેમને કોઈ લેવાદેવા નથી હોતા, તેથી તેઓ નિશ્ચિંત રહેતા હોય છે. રિપોર્ટ અનુસાર ભારતના શહેરોની સ્થિતિ ગામડા કરતા સારી છે. શહેરોમાં કોન્ડોમનો ઉપયોગ ગ્રામીણ વિસ્તારની સરખામણીમાં વધારે કરવામાં આવે છે. એક તરફ ગ્રામીણ ભારતમાં ૭.૬ ટકા પુરુષો સેક્સ કરતી વખતે કોન્ડોમનો ઉપયોગ કરે છે, જ્યારે બીજી તરફ શહેરી ભારતમાં ૧૩.૬ ટકા પુરુષ કોન્ડોમનો ઉપયોગ કરે છે. ગ્રામીણ ભારતમાં ૩૮.૭ ટકા મહિલા અને શહેરી ભારતમાં ૩૬.૩ ટકા મહિલા નસબંધી કરાવે છે.

સંક્રામક રોગનું જેાખમ
અહીં વાત માત્ર પુરુષો અને મહિલાઓના પ્લેઝરની નથી. દુકાનોમાં મળતા કોન્ડોમની કિંમત ભારતમાં એટલી વધારે હોય છે કે દેશની અડધાથી વધારે વસ્તી રોજિંદા વપરાશ માટે તેને એફોર્ડ નથી કરી શકતી. તેમની એટલી તાકાત નથી કે ડ્યૂરેક્સ, મેનફોર્સ, સ્કોર, મૂડ્સ જેવી બ્રાન્ડના સારા કોન્ડોમ ખરીદી શકે. ડ્યૂરેક્સના એક્સ્ટ્રા થિન કોન્ડોમ જેના ૧૦ કોન્ડોમના એક પેકની કિંમત ૨૦૦ થી ૨૫૦ રૂપિયાની વચ્ચે હોય છે. આ રેન્જ લોકોની ખરીદશક્તિની બહાર હોય છે.
આ જ રીતે બીજી એક સારી બ્રાન્ડ મેનફોર્સના પ્રતિ કોન્ડોમની પ્રાઈઝ ઓછામાં ઓછી ૧૦ રૂપિયા હોય છે. તેથી એક મુશ્કેલી એ થતી હોય છે કે કોન્ડોમની સાથે પુરુષોને જે સહજતાનો અનુભવ થવો જેાઈએ તે નથી થતો અને ‘સ્ટેલ્થિંગ’, અનવોન્ટેડ પ્રેગ્નન્સી, યૌન સંક્રામક રોગ થવાની શક્યતા ખૂબ વધી જાય છે.

‘યૂનાઈટેડ નેશન પોપ્યુલેશન ફંડ’ નો ૨૦૨૨ માં છપાયેલો રિપોર્ટ જણાવે છે કે વિશ્વભરમાં ૧૨ કરોડ કરતા વધારે બાળકો અનઈન્ટેન્ડેડ હતા, જેમાંથી દર ૭ મો કિસ્સો ભારતીય હતો. યુનિસેફના ‘સ્ટેટ ઓફ ધ વર્લ્ડ્સ ચિલ્ડ્રન રિપોર્ટ’ અનુસાર વર્ષ ૨૦૧૪ સુધીમાં ૨.૯ કરોડ ભારતીય બાળકો અનાથ હતા, જેા દુનિયાના અનાથ બાળકોની સંખ્યાનો ૨૦ મો ભાગ હતો. હવે સ્પષ્ટ છે કે કોન્ડોમ ન પહેરવું સેક્સને ઉત્તમ પ્લેઝર આપી શકે છે કે પછી સેક્સ દરમિયાન કોન્ડોમને કાઢી નાખવો સેક્સમાં સારું ફિલ કરાવી શકે છે, પરંતુ કોન્ડોમ ન પહેરવાથી ઘણા પ્રકારની મુશ્કેલી પણ સામે આવે છે. ઘણા બધા પ્રકારની યૌન બીમારી ફેલાઈ શકે છે. બર્થ કંટ્રોલ પિલ્સથી મહિલાઓની હેલ્થ પર ખરાબ અસર થાય છે, અનઈન્ટેન્ડેડ પ્રેગ્નન્સીનું જેાખમ રહે છે અને આ બધું માત્ર મહિલાઓએ જ સહન કરવું પડે છે.
– રોહિત.