આકાશથી જમીન પર ઊતરીને મારા દિલનો ખોવાઈ ગયો દિવાળીનો પ્રકાશ હવે દીપ શું કરે જ્યારે મારું આ દિલ પ્રકાશિત થયું…’’
આકર્ષિત નજરે અમૃતાને જેાતા વિક્રમે પોતાના દિલની વાત કહી તો તે શરમાઈ ગઈ અને પછી તેની આગોશમાં ખોવાઈ જતા બોલી, ‘‘આજે તો કંઈ શાયર બની રહ્યા છો ને.’’
‘‘કેમ ન બનું, જ્યારે આભનો ચંદ્ર મારા ઘરમાં ઊતરી આવ્યો છે તો દિલની વાત હોઠ પર આવશે જ ને.’’
‘‘તમારો અંદાજ મને એ રીતે ગમી ગયો છે. ખરેખર મને તમારાથી સારો કોઈ જીવનસાથી ન મળી શક્યો હોત. લગ્ન પહેલાં મારા દિલમાં શંકા હતી, પરંતુ આજે લાગે છે જાણે મેં સાચો નિર્ણય લીધો હતો. તમે હંમેશાં મને સાથ આપ્યો, મને આંખો પર સજાવીને રાખી. જીવન પાસેથી મારે બીજું શું જેાઈએ.’’
‘‘આજે તમારી મારી સાથે પહેલી દિવાળી છે અને બસ ઈચ્છુ છું કે આપણી દરેક દિવાળી આટલી જ સુંદર હોય.’’
અમૃતા અને વિક્રમ માટે દાંપત્ય જીવનની પહેલી દિવાળી યાદગાર બની ગઈ હતી. તમે પણ ઈચ્છો તો તમારી દરેક દિવાળી આ જ રીતે યાદગાર અને સુંદર બનાવી શકો છો. બસ જરૂર છે તમારા જીવનસાથીને સમજાવાની, તેનો સાથ આપવા અને સમય પર પ્રશંસા કરવાની. તમે એકબીજાના વ્યવહાર અને પ્રયાસની પ્રશંસા કરશો ત્યારે જ આ સમયને વધારે સુંદર બનાવી શકશો.
સન્માન આપો ને સન્માન મેળવો
સાચા અર્થમાં એક સંબંધ ત્યાં સુધી જ મજબૂત અને સુંદર રહી શકે છે જ્યાં સુધી કે તેમાં પરસ્પર વિશ્વાસ, પ્રેમ, સન્માન એકબીજા પ્રત્યે કેરિંગ નેચર જેવી નાનીનાની પણ મહત્ત્વની લાગણી સામેલ હોય. તમે તમારા જીવનસાથીને માન આપો છો તો તમને પણ એટલું જ સન્માન અને પ્રેમ મળશે. આ વાતો માત્ર એકતરફી હશે તો સંબંધને તૂટતા વાર નહીં લાગે. પછી ભલે ને તે પતિપત્નીનો સંબંધ હોય કે પ્રેમીપ્રેમિકાનો. જ્યારે તમે એકબીજાની પ્રશંસા કરો છો ત્યારે જીવન જીવવાની મજા વધી જાય છે, સંબંધમાં વધારે પ્રેમ અને વિશ્વાસ હંમેશાં હોય છે.
ફેસ્ટિવલ એમ પણ ખુશી ઉપરાંત સંબંધોને નજીક લાવવાનું કામ કરે છે ખાસ તો દિવાળી દિલમાં અજવાશ કરવાનો અને હેપી વાઈબ્સ લાવવાનો તહેવાર છે. આ પ્રસંગે તમે સાથીને ખુશ કરવાની સાથે પરસ્પર સંબંધને મજબૂત બનાવી શકો છો.
જીવનસાથીની પ્રશંસા જરૂરી
જ્યારે તમે તમારા સાથી દ્વારા કરવામાં આવેલા કોઈ પણ કાર્ય, વ્યવહાર અને તેના પ્રયાસની પ્રશંસા કરો છો ત્યારે તમારો સંબંધ વધારે ગાઢ બને છે. ત્યારે તેઓ અનુભવે છે કે તમને ખુશી આપવાના નાનાનાના પ્રયાસનું તમારી નજરે મહત્ત્વ છે અને આ જ લાગણી એકબીજાને નજીક લાવે છે. તેનાથી વિપરીત તમે સાથીને નજરઅંદાજ કરશો અથવા તો દરેક કામમાં ખામી શોધશો તો તેના મનમાં પણ ચીડ પેદા થશે અને સંબંધ વચ્ચેની મીઠાશ ક્યાંક ખોવાઈ જશે.
ઘણી વાર મહિલાઓ જણાવે છે કે તેમનો પાર્ટનર હવે તેમનામાં રસ નથી લેતો અથવા તો તેની વાત નથી સાંભળતો. તમારી સાથે પણ કંઈક એવું જ છે તો તેનું કારણ સમજવાની પૂરી કોશિશ કરો અને યાદ કરો કે છેલ્લી વાર તમે ક્યારે તમારા બેટર હાફની પ્રશંસા કરી. તમે જેાયું હશે કે જ્યારે પણ તમે કોઈની પ્રશંસા કરો છો અથવા તો તેના દ્વારા કરેલા કામની પ્રશંસા કરો છો ત્યારે તે વ્યક્તિ ખુશ થાય છે. પછી પોતાના જ જીવનસાથી સાથે કંજૂસાઈ કેમ? દિવાળી પ્રસંગે તેમની પર ભરપૂર પ્રેમ વરસાવો અને તેમના કામની પ્રશંસા કરો.
કરિયરનું ફિલ્ડ હોય, ઘર હોય કે બહાર કોઈ પણ ક્ષેત્રમાં તમારો પાર્ટનર સારું કામ કરી રહ્યો હોય તો તેની અચૂક પ્રશંસા કરો. તે નવા કપડાં અથવા નવી હેરસ્ટાઈલમાં આકર્ષક લાગે છે તો ખૂલીને તેની પ્રશંસા કરો. તેણે તમારા માટે કંઈક ખાસ કર્યું છે તો તેનોે પ્રેમથી આભાર માનો, ખાસ દિવાળી દરમિયાન આવી તક અનેક મળે છે.
જેમ કે જીવનસાથીએ સફાઈમાં સહયોગ આપ્યો અથવા ઘરની સજાવટમાં પહેલ કરી અથવા બાળકો અને તમારા માટે શોપિંગ કર્યું તો તેમના પ્રયાસની પ્રશંસા કરો અને પ્રેમ કરો. તેનાથી તમારા બંને વચ્ચેનો સંબંધ ગાઢ થશે.
પ્રેમભરી સફર વીડિયોમાં કેદ કરો
૩૩ વર્ષની દિલ્લીની નિકિતા જણાવે છે, ‘‘આ વર્ષે દિવાળીમાં અમારા લગ્નને ૫ વર્ષ થયા હતા. મારા પતિ અનિકેતે દિવાળીના દિવસે એક સરસ ગિફ્ટ આપી. તેમણે અમારા અત્યાર સુધીના દાંપત્યજીવનની સફરને એટલી સુંદર રીતે વીડિયોમાં કેદ કરી કે હું જેાતી જ રહી ગઈ. દિવાળીના પ્રકાશ સાથે અમારા સંબંધની સુંદરતાની સરખામણી કરવાનો તેમનો અંદાજ મારા દિલને સ્પર્શી ગયો. મારા દિલમાં તેમના માટે પ્રેમ અને સન્માન વધી ગયા. જે વ્યક્તિ સંબંધની કદર કરે છે એવી વ્યક્તિની જીવનસંગિની બનીને હું ખૂબ ખુશ છું.’’
તમે પણ તમારી સુંદર લવ સ્ટોરી અથવા તો અત્યાર સુધીની સફરને વીડિયોમાં કેદ કરી શકો છો. તેના માટે તમે ફોટો વીડિયો બનાવીને બેકગ્રાઉન્ડમાં કોઈ રોમેન્ટિક ગીત વગાડી શકો છો. સારી ઈફેક્ટ આપી શકો છો. તેના માટે તમને ગૂગલ પ્લે સ્ટોર પર એક એપ મળી જશે. તેને પ્લે કરીને તમારા પાર્ટનરને સ્પેશિયલ ફીલ કરાવી શકો છો.
પર્સનલાઈઝ ગિફ્ટ
તમે આ દિવાળીમાં પત્નીને પર્સનલાઈઝ ગિફ્ટ આપીને ખુશ કરી શકો છો. કોફી મગથી લઈને કુશન કવર અને ફોટો લેમ્પ, નામવાળું પેંડેંટ, ટ્રાવેલ વોલેટથી લઈને ડાયરી અને મોબાઈલ કેસ જેવા ઓપ્શન પસંદ કરો અને પછી તેની ઉપર કેટલીક પ્રશંસા અને પ્રેમના શબ્દો અથવા શાયરી લખીને તેને ગિફ્ટ કરો. ગિફ્ટ તે આજીવન સાચવીને રાખશે.
હેન્ડમેડ કાર્ડ
તમે પત્ની માટે હેન્ડમેડ કાર્ડ પણ તૈયાર કરી શકો છો. જે તમારી ફીલિંગને વ્યક્ત કરશે અને સાથે તમારી ક્રિએટિવિટી તેમને ઈમ્પ્રેસ કરશે. કેટલાક એવા કાર્ડ બનાવો જેની પર તમારા હાથથી ડિઝાઈન તૈયાર કરતા પ્રશંસનીય વાક્ય લખો. તમારી લાગણી કંડારો. હાલમાં ઈન્ટરનેટ પર અનેક હેન્ડમેડ અને ડીઆઈવાય ગિફ્ટ આઈડિયા ઉપલબ્ધ છે જેને બનાવવા માટે તમારે વધારે કલાપૂર્ણ અને કુશળ થવાની જરૂર નથી, પરંતુ આ દિવાળી કાર્ડ તમારા જીવનસાથીને વધારે નજીક લાવશે.
સાથે સમય વિતાવો
તમે દિવાળી સમયે પત્નીને સ્પેશિયલ ફીલ કરાવવા માંગો છો તો તેના માટે સમયથી મોટી ગિફ્ટ બીજી કોઈ ન હોઈ શકે. તમારી રજઓ જીવનસાથીના નામે કરી દો.
– ગરિમા પંકજ.
