નીતાના જ્યારે લગ્ન થયા ત્યારે તેનો દિયર રવિ ઈંટરમીડિયેટમાં ભણતો હતો. નીતા ખૂબ સુંદર અને આકર્ષક હતી. શરમાળ રવિને ભાભીનો સાથ ગમવા લાગ્યો હતો. જેાકે સંબંધ હસીમજાકનો હતો, તેથી મજાકમસ્તી ચાલતા રહેતા. થોડા સમય પછી બંને એકબીજાને મોબાઈલ પર મેસેજ એક્સ્ચેન્જ અને ફોરવર્ડ કરવા લાગ્યા. ભાભી અહીં ખૂબ ખુશીઆનંદમાં હતી. રવિના ભાઈ પાસે સારી નોકરી હતી અને તેઓ ઉદાર પણ હતા. પછી રવિ ધીરેધીરે ભાભી તરફ ઢળતો ગયો. આ સમયગાળામાં રવિના મધરનું મૃત્યુ થઈ ગયું, ત્યારે તે સંપૂર્ણપણે પોતાની ભાભીને આરશ્રત થઈ ગયો. હવે તે પોતાનું શહેર છોડીને ભાભી પાસે રહેવા લાગ્યો હતો. મા રહી નહીં, ભાઈ યાદમાં ઉદાસ રહેવા લાગ્યા અને ભાભી સ્વચ્છંદી બનતી ગઈ. દિયર કોલેજમાં ભણતો હતો, તેથી ભાભી સાથે દરેક પ્રકારની વાત થતી હતી. રવિના ફોનમાં ઘણા બધા સેક્સી વીડિયો અને પોર્ન હતા. તે વીડિયોને પણ ભાભી છુપાઈને જેાઈ લેતી હતી.
મર્યાદા ભૂલી જવી
આ નિકટતા ધીરેધીરે મર્યાદા તોડવા લાગી, કારણ કે બંનેને કોઈ રોકટોક નહોતી. દિયરભાભી એકબીજાને દિલની દરેક વાત કરતા હતા. રવિ મહેનતુ હતો, તેથી ખૂબ જલદી તેને જેાબ પણ મળી ગઈ, પરંતુ ભાભીના શહેરમાં તેનું આવવુંજવું ચાલુ રહ્યું હતું. જ્યારે પણ તેઓ મળતા ત્યારે ખૂબ સારી વાત થતી. અહીં સુધી ઠીક હતું, પરંતુ દિયરભાભીને રોકનાર કોઈ નહોતું. તેથી સમય જતા તે બંને બધી મર્યાદા ભૂલવા લાગ્યા.
જ્યારે તેમની વચ્ચે કોઈ આવ્યું નહીં ત્યારે તેઓ માનવા લાગ્યા કે તે જે કંઈ કરી રહ્યા છે, તે ઠીક છે. બોલ્ડ થઈ ગયેલા આ ખુલ્લા સંબંધ પર પ્રશ્નાર્થ ત્યારે લાગ્યો જ્યારે દિયર રવિના લગ્ન થઈ ગયા. ૨-૩ વર્ષ રવિ પોતાની પત્ની સાથે ખુશ રહ્યો, પરંતુ ચંચળ સ્વભાવનો રવિ ક્યાં સુધી પોતાની પત્નીના પાલવ સાથે બંધાયેલો રહે. લગ્ન પછી પણ રવિના ભાભી સાથે સેક્સનાં સંબંધ ચાલુ રહ્યા. તે ભાભીને દરેક વાત પૂછતો. નીતા પણ તેને સલાહ આપતી કે કેવી રીતે કામ કરવાનું. જેાકે આ બધું રવિની પત્નીને ગમતું નહોતું, પરંતુ તેની ચિંતા રવિને નહોતી કે ન નીતાને.
દિયર સાથે પ્રેમ
નીતાના પતિ થોડા ઉંમરલાયક હતા, જ્યારે તે ખૂબસૂરત અને નાજુકનમણી. પતિ ગંભીર હતા, જ્યારે તે ચંચળ, પતિ એટલા હેન્ડસમ નહોતા, જ્યારે તે વધારે સુંદર અને નટખટ. બીજી તરફ તેનો દિયર રવિ એક હેન્ડસમ, ફેશનેબલ યુવાન હતો. સુંદર ભાભીનું તે ધ્યાન રાખતો હતો. તેની સાથે છેડછાડ અને અંગત વાત પણ થતી, પરંતુ તેના આ સંબંધથી કેટલી જિંદગી બરબાદ થઈ રહી હતી. તેની આ બંનેને ચિંતા નહોતી. સુંદર ભાભીનો આશિક દિયર છેલછબીલો અને ગભરુ યુવાન પોતાના ભાઈ સાથે દગો કરી રહ્યો હતો, પોતાની પત્નીને પણ વફાદાર રહ્યો નહોતો.
આ સમયગાળામાં ભાભી નીતા એક યુવાન થઈ રહેલી દીકરીની મા બની ગઈ હતી, પરંતુ તેને ક્યાં ચિંતા હતી, કારણ કે તેને લાગતું હતું કે તે પૈસાદાર છે, પતિ વશમાં છે, તેથી દિયર સાથેના પ્રેમને તે સાઈડ બિઝનેસ સમજતી હતી. જેાકે તેની દીકરી ઘણું બધું જેાઈ રહી હતી.
દાંપત્યજીવનમાં સાઈડ સંબંધ જેાખમી
દાંપત્યજીવનમાં શું હવે લિવ ઈન રિલેશનશિપ કે આવા સાઈડ બિઝનેસ ખૂબ ભયજનક પરિણામ લાવી રહ્યા છે. આ સ્થિતિમાં સારું તો એ હોત કે નીતાએ પોતાના દિયર સાથે પ્રેમમાં ન પડતા પોતાની ઘરગૃહસ્થી પર ધ્યાન કેન્દ્રિત કર્યું હોત, પરંતુ ઈર્ષાવશ પોતાની દેરાણીને બાળવા માટે તેણે શરીરના જાદૂનો ઉપયોગ કર્યો. રવિની પત્ની સુધા સુંદર હતી, પરંતુ પતિ જ્યારે પૂરી રીતે ભાભીની મુઠ્ઠીમાં હતો, ત્યારે તે નિ:સહાય થઈને ચુપ રહી જતી. આ સ્થિતિમાં તે ખૂબ ચિડાઈ જતી હતી. રવિ પણ તેને હંમેશાં મહેણાંટોણાં મારતો રહેતો, ચિડવતો અને ઓફિસ ગયા પછી પણ પોતાની ભાભી સાથે કલાકેકલાકે ફોન કરતો રહેતો. બીજી તરફ ભાભી નીતા પણ વારંવાર તેની સાથે વીડિયો ચેટ કરતી રહેતી.
આ પ્રકારના સંબંધને કંટ્રોલ કરવા ખૂબ મુશ્કેલ હોય છે અને દિયરભાભી વચ્ચેની હસીમજાકને તો બધાએ સહન કરવી પડે છે, જેાકે આવા અનૈતિક સંબંધમાં સુધારો થશે, તેની કોઈ ખાતરી નથી હોતી.
– જેાગેશ્વરી સધીર.
