ફિટનેસ ફ્રીક સૌમ્યા પૂરું વર્ષ સ્ટ્રિક્ટલી ડાયટ ફોલો કરે છે અને સ્વયંને મેઈન્ટેન રાખે છે, પરંતુ દિવાળી સમયે જ્યારે તે રજાઓમાં મા પાસે આવે છે ત્યારે બધું ભૂલી જાય છે. ભાઈબહેન અને સાહેલી સાથે ધૂમ મચાવવા અને મસ્તી કરવાની સાથે માના હાથની સ્વાદિષ્ટ મીઠાઈ દરમિયાન તેની ફિટનેસ જર્ની થંભી જાય છે. દર વર્ષે ફેસ્ટિવલ સીઝનમાં તે થોડું વેટ ગેન કરી લે છે, પરંતુ તે વાતનો તેને પસ્તાવો નથી થતો. આ ગાળા દરમિયાન તે પોતાની મસ્તી અને મીઠાઈમાં કોઈ કમી રાખવા નહોતી ઈચ્છતી.
આ વખતે તેની સાહેલીના દીકરાનું મુંડન હતું અને તેમાં તેણે ડાયટને અનફોલો કર્યું. ૨ દિવસ પહેલાં તેના કઝીન આવી ગયા હતા, જેથી ફેસ્ટિવલ ધામધૂમથી ઊજવવામાં આવે. પૂરા દિવસની દોડધામ દરમિયાન તે સ્વયંને અને પોતાની હેલ્થને ભૂલી જ ગઈ. દિવાળીના દિવસે પણ ઘર અને બહારની મીઠાઈ ખાધી.
પરિણામે, દિવાળીના બીજા દિવસે તેની તબિયત બગડી ગઈ. લૂઝ મોશનની સાથે ફીવર પણ આવી ગયો. કેટલાય દિવસ સુધી તે ડોક્ટરના આંટાફેરા મારતી રહી ત્યારે જઈને તબિયત સારી થઈ. ૧ મહિના સુધી શરીરમાં કમજેારી રહી. તેણે સ્વયંને વાયદો કર્યો કે તે ફેસ્ટિવલ સીઝન દરમિયાન હેલ્થને નજરઅંદાજ નહીં કરે, કારણ કે તેનું પરિણામ મોંઘું પડે છે.
ઠંડીની સાથે તહેવારનો સિલસિલો શરૂ થાય છે. દરેક લોકો તહેવારની રાહ જુએ છે, કારણ કે પૂરા વર્ષમાં આ સમય જ હોય છે જ્યારે આપણે પરિવાર સાથે મળીને સમય પસાર કરીએ છીએ અને મીઠાઈનો આનંદ માણીએ છીએ, પરંતુ આ દરમિયાન લોકો ઓવરઈટિંગના શિકાર થાય છે, જેની અસર આપણી ફિટનેસ પર થાય છે. મીઠાઈ, ડેરી પ્રોડક્ટ અને ઓઈલી ફૂડ વધારે ખાવાથી શરીરમાં ફેટ અને શુગરનું પ્રમાણ વધી જાય છે. પરિણામે આપણું વજન વધી જાય છે અને વર્ષ દરમિયાન હેલ્થ માટે કરેલી મહેનત પર પાણી ફરી જાય છે. હકીકતમાં, ફેસ્ટિવલ સીઝન એન્જેય કરવાની સાથે ફિટનેસનું ધ્યાન રાખવું ખૂબ જરૂરી છે. રોજિંદી દિનચર્યામાં કેટલીક સરળ ટિપ્સ અપનાવીને તમે બોડીમાંથી એક્સ્ટ્રા ફેટ રિમૂવ કરી શકો છો. તેનાથી તમારા ફેસ્ટિવલ એન્જેયમેન્ટ પર પણ અસર નહીં થાય અને તમારી ફિટનેસ સારી રહેશે.
બોડીને ડિટોક્સ કરો
ભારતમાં તહેવાર લોકોના જીવનનો અભિન્ન ભાગ છે. કોઈ ગમે તેટલું અનુશાસિત જીવન કેમ ન જીવે તહેવારમાં બનતા સ્વાદિષ્ટ પકવાન જેાઈને ખાવાનું મન થઈ જાય છે. તેમ છતાં ખાવાનો સ્વાદ લેતા ફિટ રહેવાની કોશિશ કરી શકો છો. અયોગ્ય ખાણીપીણી પછી પણ જેા તમે તમારી બોડીને ડિટોક્સ કરશો તો તેનાથી લાભ થાય છે. હકીકતમાં, ફેસ્ટિવ સીઝન દરમિયાન મીઠાઈ અને ઓઈલી વાનગી ખાવાથી બોડીમાં વધારે પ્રમાણમાં ઝેરી પદાર્થ એકત્રિત થાય છે અને તેને શરીરમાંથી બહાર કાઢવા માટે બોડીને ડિટોક્સ કરવું વધારે જરૂરી થઈ જાય છે.
બોડીને ડિટોક્સ કરવા માટે તમારે ૧ લીંબુનું શરબત લઈને એક ગ્લાસ પાણીમાં નાખો અને સવારે ઊઠીને પી લો. તેના ૧ કલાક પછી કંઈ જ ખાવાનું નથી. જેા જરૂર લાગે તો તમે તેમાં અડધી ચમચી શુદ્ધ મધ મિક્સ કરી શકો છો. શરીરમાંથી ફેટ બર્ન કરવા માટે તમે ગ્રીન ટીનો સહારો લઈ શકો છો. ગ્રીન ટી શરીરને ડિટોક્સ કરે છે અને શરીરમાંથી હાનિકારક તત્ત્વો બહાર કાઢવામાં મદદ કરે છે. દિવસમાં ૨ વાર ગ્રીન ટીનું સેવન કરો. ગ્રીન ટી પીતા પહેલાં યાદ રાખો કે તેને ભોજન સાથે ન લો. ભોજન કરવાના ૧ કલાક પછી તેનું સેવન કરો.
ગરમ પાણી પીવું શરીર માટે ફાયદાકારક છે. તેનાથી બોડી ડિટોક્સ થાય છે, સાથે બ્લડ સર્ક્યુલેશનને સુચારુ રાખવામાં મદદ કરે છે, તેથી હંમેશાં ખાધા પછી ગરમ પાણીનું સેવન કરવું જેાઈએ. તેથી ગેસની સમસ્યા નથી રહેતી અને પાચનક્રિયાને ઠીક રાખે છે. શરીરમાંથી ફેટ બર્ન કરવા માટે પીવામાં ગરમ પાણી લેવું જેાઈએ. તે શરીરમાંથી ઝેરી પદાર્થને બહાર કાઢવામાં મદદ કરે છે.
ખાણીપીણીમાં સંતુલન રાખો
એક વારમાં થોડુંથોડું ખાવું, થાળીમાં ભોજન અથવા મીઠાઈ એક જ વાર લેવા, ઓછી ફેટની વસ્તુ લેવી અને રાતે સાદું ભોજન રાખવું જેવા કેટલાક ઉપાય અજમાવવાથી ઓવરઈટિંગથી બચી શકાય છે. પૂરા દિવસમાં થોડું અને ઓછા અંતરાળે ઓછામાં ઓછું ૬ વાર ખાઓ. સંતુલિત ભોજનનો અર્થ છે કે તેમાં દરેક પ્રકારના ખાદ્યપદાર્થ ઉપલબ્ધ હોય જેમ કે કાર્બોહાઈડ્રેટેડ, ફેટ્સ, પ્રોટીન, વિટામિન, મિનરલ્સ અને ડેરી પ્રોડક્ટ.
ભોજન બનાવવા માટે તેલનો પણ અલગઅલગ પ્રકારનો ઉપયોગ કરો, જેમ કે કેટલાક ખાદ્યપદાર્થ માટે સરસવના તેલનો ઉપયોગ કરો તો કેટલાક માટે ઓલિવ, સનફ્લાવર, ગ્રાઉન્ડનટ તેલનો ઉપયોગ કરી શકો છો. સ્નેક્સ સમયે એવા સ્નેક્સ લો, જેમાં ફાઈબર અને પ્રોટીન વધારે હોય. વચ્ચેવચ્ચે થોડું હળવું ખાવા માટે સ્ટીમ અથવા રોસ્ટ કરેલા સ્પ્રાઉટ્સ, તાજા ફળો અથવા કાકડી, ગાજરનું રાયતું લઈ શકો છો.
પૂરો દિવસ ઓઈલી ભોજન કરવાના બદલે ફળો અને કાચા શાકભાજીનું સેવન કરો, જેથી તમારા શરીરને તમામ જરૂરી તત્ત્વો મળી શકે. તે ઉપરાંત તમને લાંબા સમય સુધી પેટ ભરેલું લાગશે. તમે શાકમાંથી તૈયાર થયેલા સૂપ લઈ શકો છો. તમારા દિવસની શરૂઆત હંમેશાં સેલડ અને સૂપથી કરો. પાણી, શાક અથવા ફળ મગજને પેટ ભરેલું હોવાનો અહેસાસ અપાવે છે, જે પણ ખાઓ તેમાં ધ્યાન રાખો કે તમે કેટલું ખાઓ છો.
શરીરની ફેટને બર્ન કરવા માટે ડાયટમાં ડેરી ફૂડ સામેલ કરો, જેમાં કેલ્શિયમનું પ્રમાણ જેાવા મળે છે. તેનું સેવન ફેટ બર્ન કરવામાં મદદ કરી શકે છે.
એક્સર્સાઈઝ કરો
ફેસ્ટિવલ સમયે કેટલાય લોકો જંક ફૂડ ખાતા હોય છે, પરંતુ તે દિવસોમાં કોઈ શારીરિક એક્ટિવિટી નથી કરતા, જેથી તેમનું વજન વધી જાય છે. તમારે ધ્યાન આપવાની જરૂર છે કે તમે ફેસ્ટિવલ દરમિયાન વધારે એક્સ્ટ્રા શુગરનું સેવન કર્યું છે. તેથી તમારી કેલરી ઈનટેક પણ વધી ગઈ છે. જેા તમે વર્કઆઉટ કરશો તો તમને કેલરી બર્ન કરવામાં મદદ મળી શકે છે. તેથી રનિંગ, સ્ટ્રેંથ ટ્રેનિંગ, કાર્ડિયો વગેરે વર્કઆઉટ નિયમિત કરતા રહો. તમે સામાજિકતા નિભાવવા અથવા તહેવારની ખરીદીમાં એટલા વ્યસ્ત છો કે વર્કઆઉટ માટે સમય નથી મળતો તો તમે શોપિંગ સમયને જ વર્કઆઉટમાં બદલીને કેલરી બર્ન કરી શકો છો એટલે શોપિંગ કરતી વખતે વધારે ચાલવું, સીડી ચડવી અને વજન ઉઠાવવું સામેલ છે. આ રીતે ૨૦ મિનિટનો એવો વર્કઆઉટ રૂટિન સેટ કરો, જેને તમારા બેડરૂમમાં કરી શકો જેમ કે ૧૦ સિંપલ એક્સર્સાઈઝ પસંદ કરો અને દરેક એક્સર્સાઈઝને ૨ મિનિટ આપો.
મીઠાઈથી દૂર રહો
તહેવારમાં મીઠાઈ ન ખાઓ તો મજા અધૂરી રહી જાય છે, પરંતુ મીઠાઈ ખાવાની લાલચમાં તમારી ફિટનેસ પર કરેલી મહિનાઓની મહેનત વ્યર્થ જાય છે. તેથી કંઈ પણ ખાતા પહેલાં ધ્યાન રાખો કે તમે જે ખાઈ રહ્યા છો તેનાથી હેલ્થ પર શું અસર થશે. શરીરમાં ફેટ વધારવામાં મીઠાઈ ઝડપથી કામ કરે છે. મીઠાઈ ખાવાનું મન થાય તો તેના માટે ઘરે બનેલું જ ખાઓ. તહેવારમાં ઘરમાં તમે વિવિધ પ્રકારની મીઠાઈનું સેવન કરો છો, જેમ કે ઘરે બનેલી ખીર, મીઠાઈ, પરંતુ તેનું સેવન ઓછા પ્રમાણમાં કરો, જેથી ફિટનેસ પર અસર ન થાય.
શરીરને હાઈડ્રેટેડ રાખો
આ વાત બિલકુલ સાચી છે કે પાણીનું પ્રમાણ વધારવાથી તમને વજન ઘટાડવામાં મદદ મળી શકે છે. હકીકતમાં, પાણી પીવાથી તમારું પેટ ભરેલું રહે છે અને તમે વધારે ખાવાનું નથી ખાતા. ઘરમાં ફેસ્ટિવલ દરમિયાન વધારે દોડધામના લીધે તમે ઓછું પાણી પીઓ છો. તેથી તમારા ડાયટને ક્લીન કરવા દરમિયાન પાણીનું પ્રમાણ વધારો.
પાણીથી શરીરને ભેજ મળશે અને બોડી ડિટોક્સ થશે. તમે તમારા શરીરમાં સંતુલન જાળવી રાખવા અને શરીરને સ્લિમ રાખવા માંગો છો તો પૂરા દિવસમાં ૯-૧૦ ગ્લાસ પાણી પીઓ. તેનાથી ન માત્ર રક્ત પ્રવાહ પ્રભાવિત થાય છે, પરંતુ મેટાબોલિઝમને દુરસ્ત રાખે છે.
– ગરિમા પંકજ.
