અપવાદને બાદ કરતા દરેક યુવક અથવા યુવતીને વર કે વધૂ બનવાની તક માત્ર એક વાર મળતી હોય છે. આ પ્રસંગે મોટાભાગના યુવક વરુણ ધવન અથવા આદિત્ય ધારની જેમ સ્માર્ટ અને યંગ તેમજ યુવતીઓ યામી ગૌતમની જેમ બ્યૂટિફુલ દેખાવા ઈચ્છતી હોય છે. આમ તો લગ્ન પ્રસંગે, લગ્નના આયોજનની સંપૂર્ણ જવાબદારી પરિવારજનો પર હોય છે, જ્યારે વરવધૂની જવાબદારી માત્ર લગ્નસમારંભ સમયે પોતાના ડ્રેસ પસંદ કરવા, મિત્રોને આ સમારંભમાં ભાગ લેવા આમંત્રણ આપવું અને પોતાની ફિટનેસ વિશે વિચારવા પૂરતી જ હોય છે. આ પ્રસંગે મોટાભાગના યુવકયુવતી સુંદર દેખાવા માટે ફિટનેસ મેળવવામાં લાગી જાય છે. ફિટનેસ મેળવવા આ દિવસોમાં તેમણે ખૂબ મહેનત કરવી પડે છે.
સંતુલિત આહાર અને નિયમિત એક્સર્સાઈઝ
સ્વરાજના લગ્ન નક્કી થઈ ગયા હતા, પરંતુ લગ્ન ૨ મહિના પછી થવાના હતા. આ ટૂંકા સમયગાળામાં સ્વરાજ પોતાના શરીરમાં એવો સુધારો ઈચ્છતો હતો કે લોકો તેના સાસરિયાને કહે કે તમે છોકરો ભણેલોગણેલો પસંદ કર્યો છે, સાથે હેન્ડસમ પણ છે.
બીજા લોકો પાસેથી પોતાના વ્યક્તિત્વના વખાણ સાંભળવા માટે સ્વરાજે જિમ જેાઈન કરી લીધું અને ત્યાં ભરપૂર પરસેવો પાડ્યો.
સ્વરાજને પૂછવામાં આવ્યું કે પોતાના શરીરને સુંદર બનાવવાની વાત તેના મનમાં પહેલા કેમ ન આવી અને હવે લગ્ન સમયે ફિટ બોડી કેમ યાદ આવી ગઈ? જવાબમાં તેણે કહ્યું, ‘‘મને મારા મિત્ર ગૌતમના લગ્નની ઘટના યાદ છે. મારા મિત્રના ફેરા સમયે તેની ભાવિ પત્ની પ્રિયાની ઘણી બધી સાહેલીઓ ગણગણી રહી હતી કે પ્રિયાના પરિવારજનોએ છોકરાનું માત્ર પદ અને પરિવાર જેાયો છે. આ છોકરો પ્રિયાનો લાઈફ પાર્ટનર ઓછો અંકલ વધારે લાગી રહ્યો છે. પ્રિયાના પરિવારજનોએ કાશ પ્રિયા માટે યોગ્ય છોકરો જેાયો હોત તો કેટલું સારું રહેતું. આ જેાડી બિલકુલ નથી જામતી.
‘‘તેથી શ્રીમાન મને અને મારી પત્નીને જેા કોઈ એમ કહે કે આ જેાડી બિલકુલ પણ નથી જામતી, આ શબ્દો મારે બિલકુલ નથી સાંભળવા. મને પૂરો વિશ્વાસ છે કે લગ્ન પહેલાં હું એવી ફિઝિકલ ફિટનેસ મેળવી લઈશ કે લોકો પણ એમ કહેશે કે વાહ કેવી સુંદર જેાડી છે. જેટલી સુંદર બેગમ એટલો જ સુંદર બાદશાહ.’’
માત્ર યુવક જ નહીં, લગ્ન પહેલાં આજે યુવતીઓ પણ ફિટ બોડી મેળવવા માટે તનતોડ મહેનત કરતી હોય છે.
સ્મૃતિ વ્યવસાયે જ્વેલરી ડિઝાઈનર છે. તેને પોતાના કામથી કલાકો સુધી એક જ જગ્યાએ બેસીને કામ કરવું પડે છે, તેથી તે થોડી ઓવર વેટ થઈ ગઈ છે.
સ્મૃતિ વિચારે છે કે લગ્ન પછી હનીમૂન પર જતી વખતે તેના વેટના લીધે કોઈ તેને તેના પાર્ટનરની દીદી કે આંટી ન સમજી લે, તેથી તે પોતાના લગ્ન પહેલાં નિયમિત જિમ જાય છે. તે વાતથી હવે ખુશ પણ છે કે સંતુલિત આહાર અને નિયમિત એક્સર્સાઈઝથી તે પહેલાંની તુલનામાં વધારે યુવાન અને તાજગીસભર દેખાય છે.
જિમ જેાઈન કરવાની જરૂર કેમ
આ પ્રશ્નના જવાબમાં મધુનું કહેવું છે, ‘‘પ્રત્યેક યુવતીનો બોડી શેપ અલગઅલગ હોય છે. કોઈ યુવતીને પોતાના બ્રેસ્ટ શેપ, કોઈને પોતાની થાઈઝ અને હિપ્સને લઈને પ્રોબ્લેમ હોય છે. આ પ્રોબ્લેમનું સમાધાન માત્ર નિયંત્રિત આહાર, ડાયટિંગ અથવા સ્વયં પોતાની મરજીથી એક્સર્સાઈઝ કરવાથી નથી આવી શકતું. હું જે જિમમાં જાઉં છું ત્યાં લેડી ઈંસ્ટ્રક્ટર તેમજ ડાયેટિશિયન પણ છે. ઈંસ્ટ્રક્ટરની મદદથી એક તરફ પ્રભાવિત ભાગને શેપમાં લાવવામાં મદદ મળે છે, જ્યારે બીજી તરફ ડાયેટિશિયનની મદદથી સંતુલિત તથા પૌષ્ટિક આહાર લેવાની ગાઈડલાઈન મળતી રહે છે.’’
રત્ના પાસે જિમ જવા અને તૈયાર થવાનો સમય નથી, તેથી તેણે પોતાના ઘરે ટ્રેડમિલ મંગાવી લીધું છે. હવે તે ટ્રેડમિલ મશીનના માધ્યમથી પોતાના ઘરે લાંબું અંતર ચાલવાનો લાભ લેવાનો પ્રયાસ કરી રહી છે.
લગ્ન પહેલાં સાજ-શણગાર કરવાનો લાભ આજે પણ છે
લગ્ન પહેલાં સાજ-શણગારનો લાભ લગ્ન પ્રસંગે મળે છે, પરંતુ ૧૦-૨૦ વર્ષ પછી જ્યારે તમે તમારા લગ્નનો વીડિયો જુઓ છો ત્યારે એક સુખદ અહેસાસ પણ થાય છે. આ સમયે પુરુષો વિચારતા હોય છે કે તે કેટલો સ્માર્ટ હતો તે દિવસોમાં. ત્યારે કેટલા ભરાવદાર વાળ હતા માથા પર, ત્યારે ન તો પેટ બહાર હતું કે ન આંખ પર આજની જેમ મોટા ચશ્માં ચઢાવેલા હતા.
જ્યારે મહિલાઓ વિચારતી હોય છે કે કેવી યુવાન, સુંદર કન્યા હતી હું તે સમયે. જે કોઈ જેાતા તે બસ જેાતા જ રહી જતા. તેથી એક્સર્સાઈઝની ટેવ આપણા જીવનનો અનિવાર્ય ભાગ હોવી જેાઈએ. જેા ટેવ ન હોય તો પણ લગ્નના થોડા સમય પહેલાંથી આ ટેવ પાડવી જેાઈએ અને લગ્ન પછી તેને પોતાના નાના ભાઈને સમજાવતા એક્સર્સાઈઝ કરવા ઉત્સાહિત કરતા રહેવું જેાઈએ, જેથી તેમને પણ પોતાના લગ્ન સમયે પોતાની ફિટનેસ માટે વધારે મહેનત કરવાની જરૂર ન પડે.
– રવિ શોરી નીના.
