૧૦ મે, ૨૦૨૨ ના રોજ બેંગલુરુમાં ચેતના રાજના એક ક્લિનિકમાં દુખદ મૃત્યુ ત્યારે થયું જ્યારે તે વજન ઘટાડવા માટે લાઈપોસક્શન માટે ગઈ. તે કન્નડ સિરિયલમાં એક્ટિંગ કરતી હતી અને ફેટ રિમૂવ કરાવવા માટે સાહેબગૌડા શેટ્ટીના ક્લિનિકમાં ગઈ હતી.
ડોક્ટરોએ તેની હાલત બગડતા બીજી મોટી હોસ્પિટલમાં જવાની મંજૂરી ન આપી. ફેટ ફ્રી પ્લાસ્ટિક સર્જરી આમ તો ઘણી સેફ છે, પણ દરેક સર્જરીનું પોતાનું જેાખમ હોય છે અને ડોક્ટર સર્જરીથી બચવાની સલાહ આપે છે. તેમ છતાં યુવતીઓ સર્જરી કરાવે છે.
ચેતના પોતાના માતાપિતા અથવા કોઈ નજીકના સંબંધીને જણાવ્યા વિના સર્જરી કરાવવા પહોંચી હતી, જેથી તેના પાતળા થવાનું રહસ્ય લોકો ન જાણી શક્યા. સર્જરી દરમિયાન તેના લંગ્સમાં પાણી ભરાઈ ગયું, જેથી તેનું મૃત્યુ થયું.
ફેટ ફ્રી સર્જરીમાં હિપ્સ, થાઈઝ, આર્મ્સ વગેરે પરથી ફેટ કાઢી નાખવામાં?આવે છે. બદલાતા સમયની સાથે લોકો સ્વયંને સજાવવા લાગ્યા છે. લોકો સેલિબ્રિટી જેવા દેખાવા માંગે છે. તે માટે તેઓ કોઈ પણ કિંમત ચૂકવવા તૈયાર થાય છે. કોસ્મેટિક સર્જનનું કહેવું છે કે અનેક વાર લોકો એવી ડિમાન્ડ કરે છે કે જેને પૂરી કરવી અમારા વશની વાત નથી હોતી. જેાકે બહારના દેશોમાં કોસ્મેટિક સર્જરી સામાન્ય છે.
રિસ્ક હોવા છતાં ક્રેઝ
પ્લાસ્ટિક સર્જરી હંમેશાં સફળ થાય એ જરૂરી નથી. આ સર્જરીથી તમને મનપસંદ સુંદરતા મળી જાય તે પણ જરૂરી નથી આ એક રિસ્ક જ છે. કેટલીક વાર મનપસંદ સુંદરતા મળી જાય તો કેટલીક વાર તેના ભયાનક પરિણામ પણ ભોગવવા પડે છે. કેટલીક સેલિબ્રિટીએ તો સર્જરી પછી અનેક સમસ્યાનો સામનો કરવો પડ્યો. કેટલાકની સર્જરી નિષ્ફળ રહી અને તેમના ચહેરા બગડી ગયા તો કેટલાકે ઈંફેક્શનનો સામનો કરવો પડ્યો. કોસ્મેટિક સર્જરી મૃત્યુનું કારણ બની શકે છે, તેમ છતાં લોકોમાં તેનો ક્રેઝ રહ્યો છે. ચહેરા પર સર્જરી ઉપરાંત મહિલાઓમાં બ્રેસ્ટ સર્જરી વધારે લોકપ્રિય છે. નોનસર્જિકલમાં બોટોક્સ સૌથી વધારે પ્રચલિત છે.
સામાન્ય લોકોમાં પણ લોકપ્રિય
પહેલા ચેતના રાજ જેવા ગ્લેમર વર્લ્ડના ગણતરીના લોકો જ પ્લાસ્ટિક સર્જરી કરાવતા હતા, પરંતુ હવે મનપસંદ ચહેરો મેળવવા માટે સામાન્ય લોકોમાં પણ તે ખૂબ પ્રચલિત થઈ રહી છે. કોસ્મેટિક સર્જન જણાવે છે કે ફેટ ઓછી કરવા માટે લાઈપોસક્શન કરાવનારની સંખ્યા પુરુષ અને મહિલા, બંનેમાં ઝડપથી વધી છે. કોલેજ જતી સામાન્ય છોકરીઓમાં બ્રેસ્ટ ઈમ્પ્લાન્ટેશન સર્જરી, લાઈપોસક્શન અને પુરુષોમાં લાર્જ મેલ બ્રેસ્ટ રિડક્શન સર્જરી, રાઈનોપ્લાસ્ટિના કિસ્સા પણ વધ્યા છે.
પરસેવો વધારે થવાની સમસ્યા દૂર કરવા માટે છોકરાછોકરીઓમાં લેસર હેર રિમૂવલ અને બોટોક્સનો ક્રેઝ પણ ખૂબ વધ્યો છે. ૩૦ થી ૩૫ વર્ષની ઉંમરના લોકોમાં આ વધારે પ્રચલિત છે. હવે કોલેજગોઈંગ સ્ટુડન્ટ, પ્રોફેશનલ અને સામાન્ય લોકો વધારે આવે છે, જે પોતાની શારીરિક રચનાથી સંતુષ્ટ નથી હોતા. કોસ્મેટિક સર્જરી કરાવનાર મોટાભાગની મહિલાઓ ૩૫ થી ૫૦ વર્ષની હોય છે.
કોસ્મેટિક સર્જરી હંમેશાં સફળ નથી થતી
એવી કેટલીય હસ્તીઓ છે, જેમણે પોતાની સુંદરતા વધારવા માટે પ્લાસ્ટિક સર્જરી કરાવી, પરંતુ તેનું પરિણામ વિપરીત મળ્યું. પોતાની સુંદરતા જાળવી રાખવાના ચક્કરમાં મિસ આર્જેન્ટિના રહી ચૂકેલી સોલેગ મેનનેનોનું મૃત્યુ થયું. સોલેગ જેાડિયા બાળકની મા હતી. પ્રસવ પછી દરેક મહિલાની જેમ તેના શરીરમાં પણ કેટલાક પ્રાકૃતિક બદલાવ આવ્યા. જેથી તે ખુશ નહોતી. એવામાં પહેલાં જેવી કાયા મેળવવામાં તેણે થાઈને શેપમાં લાવવાની સર્જરી કરાવી. તેમાં તેને જે ઈંજેક્શન આપવામાં આવ્યું, તેમાંથી લિક્વિડ તેના ફેફસા અને મગજમાં ગયું. સર્જરી પછી અચાનક થયેલી સમસ્યાના લીધે હોસ્પિટલમાં એડમિટ કરાવવી પડી, જ્યાં ૨ દિવસ પછી તેનું મૃત્યુ થયું.
સર્જરી મોંઘી પડી
હોલીવુડ અભિનેત્રી પેરિસ હિલ્ટને પણ પોતાની સુંદરતા વધારવા માટે પ્લાસ્ટિક સર્જરી કરાવી હતી. તેણે રાઈનોપ્લાસ્ટી, લિપ્સ ઈનહેંસમેન્ટ અને બ્રેસ્ટની પ્લાસ્ટિક સર્જરી કરાવી હતી. તેને તેનો નવો લુક કેટલો ગમ્યો એ તો તે જ જાણતી હશે, પરંતુ કેટલાય લોકોને તેનું નાક પહેલાંથી વધારે ખરાબ લાગે છે. લોકોનું કહેવું છે કે પામેલા એંડરસન સુંદર અને આકર્ષક હતી, પરંતુ કોણ જાણે તેને શું સૂઝ્યું જે નાક, ગાલ, હોઠ અને બ્રેસ્ટની સર્જરી કરાવી. હવે તેનું આ ફિગર નિષ્ફળ સર્જરીનું પરિણામ છે.
બોલીવુડ એક્ટ્રેસ કોયના મિત્રા પર પણ પોતાના નાકની સર્જરી કરાવવાની ધૂન સવાર થઈ, પરંતુ તેને આ સર્જરી મોંઘી પડી. અચાનક તેના ગાલ ફૂલી ગયા, જેથી હસવામાં પણ તકલીફ થવા લાગી. ત્યાર પછી ૫ મહિના સુધી ઈંજેક્શન લેવા પડ્યા અને તે દરમિયાન ૨ ફિલ્મથી હાથ ધોવા પડ્યા.
સ્ટાર્સમાં પ્લાસ્ટિક સર્જરીનો ક્રેઝ
કેટલાય નાનામોટા સ્ટાર્સે પ્લાસ્ટિક સર્જરી કરાવી છે. પોપ સિંગર માઈકલ જેક્સન આ બાબતમાં જાણીતા થયા. તેમણે ગોરા રંગ માટે પોતાની સ્કિનની સર્જરી કરાવી હતી. નામની પણ કેટલીય વાર સર્જરી કરાવી હતી. ઘણા સમય સુધી તે ઈંફેક્શનથી પરેશાન રહ્યા. પછી તેમને સ્કિન કેન્સર થઈ ગયું.
અમેરિકન અભિનેત્રી અને સિંગર ગાયિકા બ્રિટની મર્ફી કોસ્મેટિક સર્જરીની દીવાની હતી. બીજી બાજુ એંજલીના જેાલી, પામેલા એંડરસન, પેરિસ હિલ્ટન, વિક્ટોરિયા બેકહેમ જેવા તમામ સ્ટાર્સે પ્લાસ્ટિક સર્જરી કરાવી છે.
એવામાં બોલીવુડ અભિનેત્રીઓ પણ પાછળ કેવી રીતે રહેતી. લોકોનું કહેવું છે કે ઐશ્વર્યા રાયની બ્યૂટિ ફેક બ્યૂટિ છે. બીજી બાજુ કરીનાની સુંદરતા નિખારવામાં પણ કોસ્મેટિક સર્જરીની મહત્ત્વની ભૂમિકા રહી છે. કરીનાએ નાક અને ચીકબોંસની પ્લાસ્ટિક સર્જરી કરાવી છે, તો પ્રિયંકા ચોપરાએ પણ સ્કિન લાઈટનિંગ ટ્રીટમેન્ટ કરાવી છે, જેથી સ્કિનનો કલર સાફ થયો છે. રાણી મુખર્જીએ પણ પોતાના નાકની પ્લાસ્ટિક સર્જરી કરાવી છે.
ગ્લેમરસ અભિનેત્રી સુષ્મિતા સેન પહેલી અભિનેત્રી છે, જેણે સ્વીકાર્યું કે તેણે સિલિકોન ઈમ્પ્લાંટ કરાવ્યું છે. શિલ્પા શેટ્ટી, સુષ્મિતા સેન, કરીના, બિપાશા, મલ્લિકા શેરાવત, શ્રુતિ હાસન, રાખી સાવંત, કંગના રાણાવત વગેરે અભિનેત્રી પણ કોસ્મેટિક સર્જરી કરાવી ચૂકી છે.
કોસ્મેટિક સર્જરીના નુકસાન
કોસ્મેટિક સર્જરી દ્વારા સુંદરતા વધારવા માટે સર્જરી અને તબીબી પદ્ધતિનો સહારો લેવામાં આવે છે. નિષ્ણાતોનું કહેવું છે કે સર્જરીની હાનિકારક અસર નથી થતી, પરંતુ કેટલીક સામાન્ય અસર જેમ કે ઈજા થવી, ડાઘ પડવો વગેરે થઈ શકે છે. તેને હેમાટોમા કહેવાય છે. તેમાં રક્તનળીની બહાર લોહી જામી જાય છે. તે ઉપરાંત સેરોમા જેવો દુષ્પ્રભાવ થઈ શકે છે.
– પ્રતિનિધિ.
