રોમીના નવાનવા લગ્ન થયા હતા. સેક્સ જે અત્યાર સુધી તેના માટે અજાણ વિષય હતો, હવે લગ્ન પછી અચાનક રોમાંચક થઈ ગયો હતો. રોમી પોતાના જીવનમાં થતા આ પરિવર્તનને કોઈની સાથે શેર કરવા માંગતી હતી. તે જાણવા માંગતી હતી કે તે જેવું અનુભવે છે એવું જ શું બધાને થાય છે? રોમી ખુશી અને રોમાંચના લીધે પોતાના બેડરૂમ સિક્રેટ સાહેલીઓ સાથે શેર કરતી હતી. જ્યારે રોમી અને તેનો પતિ જય તેની સાહેલી શ્વેતાના ઘરે જમવા ગયા ત્યારે શ્વેતા જય સામે બેડરૂમની વાત કરવા લાગી હતી, જે અશ્લીલ હતી. જય સમજી ગયો હતો કે રોમીએ તેમની વચ્ચેની અંગત વાત જાહેર કરી દીધી છે. આ વાત માટે તે આજ સુધી રોમીને માફ નથી કરી શક્યો. બીજી બાજુ શ્વેતા જ્યારે પણ તક મળતી રોમીને તેના બેડરૂમ સિક્રેટ પૂછતી અને પૂરા ગ્રૂપમાં શેર કરતી.
ભૂમિકાના જ્યારે લગ્ન થયા ત્યારે તેની સાહેલી એકતા તેની સેક્સ ગુરુ બની ગઈ. ભૂમિકા ભોળપણમાં પોતાની દરેક નાનીમોટી વાત એકતાને જણાવતી હતી. એકતા જે પોતાના પતિથી સંતુષ્ટ નહોતી, ભૂમિકાના બેડરૂમ સિક્રેટ સાંભળીને તેના પતિ તરફ આકર્ષિત થઈ ગઈ. તક મળતા એકતાએ ભૂમિકાના પતિને પોતાની બાજુ આકર્ષિત કરી લીધો હતો. ભૂમિકા તે દિવસને કોસી રહી છે જ્યારે તેણે એકતા સાથે પોતાની બેડરૂમ લાઈફ શેર કરી હતી. આજે પણ નવપરિણીત દંપતી લગ્ન પહેલાં સેક્સથી દૂર રહે છે. તેથી જ્યારે લગ્ન પછી તેઓ આ નવી દુનિયામાં પગ મૂકે છે ત્યારે તેઓ સમજી નથી શકતા કે તેઓ પોતાની વાત કોની સાથે શેર કરે. કેટલાય ડર રહેલા હોય છે, કેટલીય વાત હોય છે, કેટલાય રહસ્ય હોય છે ત્યારે સમજાતું નથી કે કોની સાથે શેર કરે. એવામાં પોતાના મિત્રો સિવાય બીજું કોઈ દેખાતું નથી. મિત્રો સાથે બેડરૂમ સિક્રેટ શેર કરવા કેટલીય વાર તમારા માટે ફાયદાકારક સાબિત થાય છે. જેમ કે મોહનીને પોતાના પર્ફોર્મન્સને લઈને સ્ટ્રેસ રહેતો હતો, પરંતુ જ્યારે એક દિવસ વાતવાતમાં તેણે તેની સાહેલી વર્ષા સાથે આ વિશે વાત કરી તો મોહની સમજી ગઈ કે તે નકામો સ્ટ્રેસ લઈ રહી હતી. છોકરીઓ લગ્ન પછી સેક્સ સંબંધિત વાત પોતાની સાહેલીઓ સાથે શેર કરવામાં કંફર્ટેબલ રહે છે, પરંતુ પોતાના બેડરૂમ સિક્રેટ તમારી સાહેલીઓ સાથે તમે કઈ હદ સુધી શેર કરી શકો છો. આ જાણી લો. પોતાના બેડરૂમ સિક્રેટ શેર કરતા પહેલાં એ વાત ધ્યાનમાં રાખો કે જેા તમારા પતિ પણ બેડરૂમ લાઈફ મિત્રો સાથે શેર કરશે તો તમને કેવું લાગશે? પ્રયાસ કરો કે તે જ વાત શેર કરો જેનાથી તમારા પાર્ટનરની છબિ ખરાબ ન થાય અને તેઓ મજાકને પાત્ર ન બને.
આ વાત ભૂલથી શેર ન કરો
સેક્સ્યુઅલ ફેંટેસી : તમારા પાર્ટનરની કોઈ વાઈલ્ડ સેક્સ્યુઅલ ફેંટેસી હોઈ શકે છે. તમારો પાર્ટનર તમારી પર ટ્રસ્ટ કરીને જ તે ફેંટેસી તમારી સાથે શેર કરે છે, પરંતુ જેા તમે આ વાત તમારી સાહેલી સાથે શેર કરો છો અને પાર્ટનરને ખબર પડી જાય છે તો તે આજીવન તમારી સામે ક્યારેય ખૂલી નહીં શકે. તેમને હંમેશાં ડર રહેશે કે કોણ જાણે તમે ક્યારે બધા સામે તેમને પર્દાફાશ કરી દે.
સાઈઝ ડિસ્કશન : તમારા પાર્ટનરની પેનિસ સાઈઝ ડિસ્કસ કરવી એક ખરાબ આઈડિયા છે. થોડું વિચારો કે જેા તમારો પાર્ટનર તમારા સ્તન કે કોઈ અન્ય અંગની સાઈઝ વિશે મિત્રો સામે વાત કરશે તો તમને કેવું લાગશે? તમારા પાર્ટનરની આ ડિસ્કશન તેમને તમારી સાહેલીની વચ્ચે ડેઝાયેરેબલ બનાવી શકે છે. પછી જેા કંઈ વાત થઈ જાય તો તે તમારી સંપૂર્ણ જવાબદારી છે.
ઈરેક્શન પ્રોબ્લેમ : પાર્ટનરના ઈરેક્શન પ્રોબ્લેમને જાહેર કરવો એક સંવેદનશીલ વિષય છે. જેા તમારે મદદ જેાઈએ તો સાહેલીના બદલે ડોક્ટરની મદદ લો. આવી વાત દરેક સાહેલી સાથે ડિસ્કસ ન કરી શકાય. તમારી સાહેલી તમારી બેડરૂમ લાઈફને પબ્લિક કરી શકે છે અને આવી વાતનો કેટલાક લોકો ખોટો ફાયદો ઉઠાવી શકે છે જે તમારા દાંપત્ય જીવન માટે સારું નથી.
સેક્સ્યુઅલ વોકેબુલરી અંગત છે : પાર્ટનરની સેક્સ્યુઅલ વોકેબુલરીને સાહેલીઓ સાથે શેર કરવી એક ખરાબ આઈડિયા છે. યાદ રાખો તમારી બેડરૂમ લાઈફ તમારી અને તમારા પાર્ટનરની અંગત પળો છે. તેને તમે સાહેલીઓ સાથે શેર ન કરી શકો. એવું ન થાય કે તમે તમારી બેડરૂમ લાઈફ ડિસ્કસ કરતાંકરતાં તમારી સાહેલીઓ સામે એક એવું પિક્ચર પેઈન્ટ કરો છો જે પેઈન્ટિંગનો તે અજણતામાં ભાગ બની જાય છે. પરંતુ જરૂરી નથી કે બેડરૂમ સિક્રેટ શેર કરવાના હંમેશાં નુકસાન થાય છે. જે તમે સમજીવિચારીને કરો અને વિશ્વાસપાત્ર સાહેલીઓ સાથે તમારા સિક્રેટ શેર કરો છો તો તેના નીચે મુજબ ફાયદા પણ થાય છે :
બેડરૂમ લાઈફને સ્પાઈસી બનાવવામાં સહાયક : કેટલીય વાર સાહેલીઓ સાથે વાતવાતમાં તમને એવી વાત ખબર પડે છે જે તમારી બેડરૂમ લાઈફને સ્પાઈસી બનાવી શકે છે. કેવા પ્રકારની લોંજરી પાર્ટનરને અટ્રેક્ટ કરે છે અથવા કેવા પ્રકારના પર્ફ્યૂમ બેડરૂમ લાઈફને વધારે રોમાંચક બનાવે છે. આ બધું તમે આરામથી સાહેલી સાથે શેર કરી શકો છો.
ફોરપ્લેની નવી રીત : ફોરપ્લે સેક્સ ડ્રાઈવને બેસ્ટ બનાવે છે. તેની કોઈ સેટ મેથડ નથી હોતી. બધાની ફોરપ્લેની રીત અલગ હોય છે. આ જાણકારી તમે એકબીજા સાથે શેર કરી શકો છો, પરંતુ યાદ રાખો કે જાણકારી સામાન્ય રીતે શેર કરવામાં આવે. તેને સ્પેસિફિક ન કરો.
ઓર્ગેઝમનો પરિચય : ઓર્ગેઝમ પર બસ પુરુષોનો જ અધિકાર નથી હોતો, મહિલાઓનો પણ આ મૌલિક અધિકાર હોય છે. નવાનવા લગ્નમાં મોટાભાગની મહિલાઓ તેનાથી વણસ્પર્શી રહે છે. જેા તમારી સાહેલી કોઈ ખાસ પોઝિશન વિશે જણાવે છે જેનાથી તેને ઓર્ગેઝમ પ્રાપ્ત થાય છે તો તમે પણ તે પોઝિશનને બીજી વાર અપનાવી શકો છો.
કંફ્યૂઝનથી છુટકારો મળી શકે છે : કેટલાય રહસ્ય હોય છે કે એવી કેટલીય વાત છે જે નોર્મલ હોય છે, પરંતુ નવાનવા લગ્નમાં તે અજીબ લાગે છે. પર્સનલ હાઈજીનથી લઈને સેક્સ ટોયઝ સુધી કેટલાય કંફ્યૂઝન હોય છે. જે પરસ્પર વાત કરીને સોલ્વ થઈ શકે છે.
સેક્સ લાઈફની સમજ : સેક્સ લાઈફની સારી સમજ માટે કેટલીય વાર સાહેલીઓ સાથે તમે ખૂલીને વાત કરી શકો છો, પરંતુ ૨ વાતનું ધ્યાન હંમેશાં રાખો. પહેલા કોઈ પણ મહેફિલમાં બેસીને તમારી સેક્સ ગાથા આરંભ ન કરો, નહીં તો તમારી સ્થિતિ હાસ્યાસ્પદ થઈ જશે અને બીજી વાત સેક્સ સંબંધિત વાત શેર કરતા પાર્ટનરની વાત ન કરો.
– રિતુ વર્મા.
