એક તરફ નાનકડા મહેમાનના આગમનથી ઘરમાં આનંદ છવાઈ જાય છે, ઘરમાં ચારે બાજુ બાળકની કિલકારી ગુંજતી હોય છે, જ્યારે બીજી તરફ ઘરના અન્ય સભ્યો ઉત્સુક હોય છે. પેરન્ટ્સને તો એવું લાગે છે, જાણે તેમના જીવનમાં એક નવી ઊર્જાનો સંચાર થયો ન હોય, પરંતુ બાળકના આગમનથી પેરન્ટ્સની લાઈફ સ્ટાઈલ પર સંપૂર્ણ રીતે પ્રભાવિત થાય છે, જે શરૂઆતમાં તેઓ ખુશીઆનંદથી સ્વીકારી લે છે, પરંતુ પાછળથી તેમના રૂટિનમાં આવતો બદલાવ તેમના જીવન પર અસર કરે છે. તેથી રૂટિનમાં આવેલા બદલાવનો સામનો કરવાની યોજના બનાવીને ચાલો.
આહારમાં બેદરકારી : પૂરો દિવસ બાળકની સારસંભાળમાં માતાપિતા આહાર પર પૂરતું ધ્યાન નથી આપતા. સમય ન મળવાથી તે કંઈ ઉપલબ્ધ હોય તે જ ખાઈ લે છે. પછી ભલે ને માત્ર ફાસ્ટફૂડ ખાઈને જ પૂરો દિવસ કેમ ન વિતાવવો પડે અને ત્યાર પછી આ જ અનહેલ્ધિ ઈટિંગ હેબિટ્સ તેમને બીમાર કરી દે છે.
કેવી રીતે સામનો કરશો : જ્યારે પણ કંઈક નવું થાય છે ત્યારે બદલાવ આવવો સ્વાભાવિક છે, પરંતુ આ બદલાવ મુજબ સ્વયંને એડજસ્ટ કરવી એક મોટો પડકાર હોય છે. જેા તમે એકલા રહો છો તો આહાર સંબંધિત ટાઈમટેબલ બનાવીને ચાલો, જેથી અનહેલ્ધિ ખાવાનો પ્રશ્ન જ ન રહે, જેમ કે તમે બ્રેકફાસ્ટમાં સ્પ્રાઉટ્સ, ઈંડાં વગેરે લઈ શકો છો. આ જ રીતે લંચમાં દાળ, રોટલી, છાશ અથવા તો બાફેલા ચણા અને રાત્રિના ડિનરમાં ઓટ્સ લઈ શકો છો, જેા હાઈ ફાઈબર રિચ ડાયટ હોય છે. આ સમયગાળા દરમિયાન તમને જ્યારે પણ ભૂખ લાગે ત્યારે ફ્રૂટ્સ, ચણા વગેરે લો, જે તમારી ભૂખને શાંત કરવાની સાથે તમને હેલ્ધિ પણ રાખશે.
અપૂરતી ઊંઘ : બાળકના આગમનથી પેરન્ટ્સની ઊંઘમાં ખલેલ પડતી હોય છે, કારણ કે હવે તમારે તમારી રીતે નહીં, પણ બાળકની ટેવ પ્રમાણે ઊંઘવું પડે છે, જેા થાકની સાથે તાણનું કારણ બને છે અને તેની અસર પેરન્ટ્સની પર્સનલ અને પ્રોફેશનલ લાઈફ પર થાય છે.
કેવી રીતે સામનો કરશો : પેરન્ટ્સે સાથે મળીને જવાબદારી નિભાવવી જેાઈએ, જેમ કે તમે ઘરે છો તો તમારા હસબન્ડની હાજરીમાં ઘરના બધા કામ પૂરા કરી લો, જેથી બાળકના ઊંઘવા પર તમે પણ તમારી ઊંઘ પૂરી કરી શકો અને જ્યારે તમારા પાર્ટનર કામ પરથી ઘરે આવે ત્યારે તમે ફ્રેશ હોવાથી તેમને પણ આરામ મળી શકે. રાતના સમયે પણ આ જ રીતે મેનેજ કરવાથી તમે પહેલાંની જેમ રૂટિન બનાવી શકશો.
ઈમોશનલ બેલેન્સ : વર્કિગ હોવા છતાં એકબીજાને સમય ફાળવવો જેાઈએ, એકબીજાની દરેક વાત સાંભળવી, પરંતુ બાળકના આગમન પછી તેનામાં બિઝી રહેવાથી પાર્ટનર્સ એકબીજાને સમય નથી ફાળવી શકતા. તેમાં પણ રોમાન્સ તેમની લાઈફમાં રહેતો જ નથી, જેથી તેમની વચ્ચે ઈમોશનલ એટેચમેન્ટ ઓછું થઈ જાય છે.
કેવી રીતે સામનો કરશો : પેરન્ટ્સ બનવાનો એ અર્થ નથી કે તમે એકબીજા સાથે રોમાન્સ કરવાનો બંધ કરી દો, એકબીજા સાથે મજાકમસ્તી બંધ કરી દો, પણ પહેલાંની જેમ પાર્ટનર સાથે રોમેન્ટિક રહો. તેની ફીલિંગ્સને સમજેા અને તેના માટે પૂરતો સમય ફાળવો. બની શકે તો ડિનર અથવા રોમેન્ટિક ડેટ્સ પર જાઓ. આમ કરવાથી લાઈફમાં રોમાન્સ જળવાઈ રહે છે, નહીં તો નીરસતા આવવાથી લાઈફ બોરિંગ થઈ જશે.
નિયમપાલનમાં ઘટાડો : હંમેશાં આપણને શિસ્તબદ્ધ રહેવું ગમતું હોય છે જેમ કે સમયસર ઊઠી જવું, ખાવું, ક્યાંક બહાર જવાનું હોય તો પણ સમયસર નીકળવું, એક્સર્સાઈઝ વગેરે, પરંતુ પેરન્ટ્સ બન્યા પછી આપણે ઈચ્છવા છતાં પણ પોતાને શિસ્તમાં નથી રાખી શકતા, જે સ્થિતિ આપણને મનોમન પરેશાન કરતી હોય છે.
કેવી રીતે સામનો કરશો : ભલે ને શરૂઆતના ૧-૨ અઠવાડિયા તમારા બિઝી પસાર થાય, પરંતુ પછી તમે શિડ્યૂલ બનાવીને ચાલો, જેમ કે તમે બહાર એક્સર્સાઈઝ માટે ન જઈ શકતા હોય તો ઘરે કરો અને જે ડિનર ફિક્સ ટાઈમ પર ન લઈ શકો તો ડિનર સમયસર કરવા તેમાં ઓટ્સ, સૂપ, સેલડ અને ખીચડી સામેલ કરો, જે ઓછા સમયમાં તૈયાર થવાની સાથે વધારે હેલ્ધિ પણ છે. આમ કરવાથી તમે બહારનું ખાવાથી પણ બચશો અને સ્વસ્થ પણ રહેશો. આ જ રીતે તમે બીજી વસ્તુને પણ મેનેજ કરીને ઊભી થયેલી આ નવી પરિસ્થિતિનો સામનો કરી શકશો.
– પારૂલ ભટનાગર.
