સામગ્રી :
૨૦૦ ગ્રામ પનીર
૩ મોટી ચમચી હંગ કર્ડ
૧ નાની ચમચી આદું-લસણની પેસ્ટ
૧-૧ ચમચી હળદર, લાલ મરચું અને ધાણા પાઉડર
૧ મોટી ચમચી ગરમ મસાલો
૨ નાની ચમચી અજમો
૨ નાની ચમચી કસૂરી મેથી પાઉડર
૨ મોટી ચમચી વેસણ
૧ મોટી ચમચી લીંબુનો રસ
૧ મોટી ચમચી સરસવનું તેલ મેરિનેટ કરવા માટે
ફ્રાય કરવા માટે ઓઈલ
મીઠું સ્વાદ મુજબ.
રીત :
એક પેનમાં વેસણ લઈને સુગંધ આવે ત્યાં સુધી શેકો. ગેસ બંધ કરીને ઠંડું થવા દો. પનીરના નાના ટુકડા કરો. પછી એક બાઉલમાં શેકેલું વેસણ, દહીં, લીંબુનો રસ, સરસવનું તેલ અને બાકીની સામગ્રી મિક્સ કરી પેસ્ટ તૈયાર કરી તેને પનીરના ટુકડામાં રગદોડીને ૩૦ મિનિટ મેરિનેટ થવા દો. પછી એક નોનસ્ટિક પેનમાં તેલ ગરમ કરીને તેમાં પનીર ફ્રાય કરી તેની પર ચાટ મસાલો અને લીંબુનો રસ નાખીને લીલાં શાકભાજીથી સજાવીને ફુદીનાની ચટણી સાથે સર્વ કરો.
