સફળ ખુશહાલ દાંપત્ય જીવન માટે કેટલીક નાનીનાની વાત અપનાવવી જરૂરી છે. તો આવો, જાણીએ તે નાનીનાની વાત જે સંબંધને સુંદર, સફળ અને ખુશહાલ બનાવે છે :
એકબીજાની લાગણીને મહત્ત્વ આપો
એક દાંપત્ય સંબંધનો મજબૂત પાયો એ વાત પર ટકેલો રહે છે કે તમે એકબીજાની લાગણીને કેટલું માનસન્માન અને મહત્ત્વ આપો છો. ક્યાંક એવું તો નથી કે તમે એકબીજાની લાગણી સમજ્યા વિના પોતાની વાત એકબીજા પર જબરદસ્તી થોપો છો? જેા હા તો આ ટેવ બદલો અને એકબીજાની લાગણીને મહત્ત્વ આપવાનું શરૂ કરો. આ રીતે તમારા સંબંધો મજબૂત થશે.
કામમાં મદદ કરવી
આજકાલ મોટાભાગે વર્કિંગ કપલ હોય છે. જેા તમે એવામાં માત્ર તમારા કામ વિશે વિચારશો તો વાત બગડશે. તેથી એકબીજાના કામને સમાન મહત્ત્વ આપો. કોઈ દિવસ તમારા પાર્ટનરને જલદી જવાનું હોય તો તમે તેને કામમાં થોડી મદદ કરો, જેથી કામ જલદી પૂરું થાય.
એકબીજા સાથે ક્વોલિટી સમય વિતાવો
વર્કિંગ કપલ્સ પાસે હંમેશાં સમયની કમી રહેતી હોય છે. ક્યારેક-ક્યારેક તેમની ઓફિસનો સમય પણ અલગઅલગ હોય છે. તેથી તેમણે એકબીજા સાથે ક્વોલિટી સમય વિતાવવાની તક ન છોડવી જેાઈએ. તેના માટે રજાના દિવસે સવારે જિમ, મોર્નિંગ વોક માટે જઈને તમારી હેલ્થને સુદઢ બનાવી શકો છો અને એકબીજા સાથે કોઈ પણ વિષય પર ચર્ચા કરી શકો છો તથા એકબીજાની સલાહ લઈ શકો છો કે પછી કિચનમાં એકબીજા સાથે ભોજન બનાવી શકો છો અથવા તો ક્યાંક બહાર હરવાફરવાનો પ્રોગ્રામ બનાવીને કેટલીક યાદગાર પળો એકબીજા સાથે વિતાવીને તમારા સંબંધમાં મીઠાશ લાવી શકો છો.
પૈસાનું રોકાણ
લગ્ન પછી કપલ્સે એકબીજા માટે પૈસાનું રોકાણ કરવું જરૂરી છે, જેથી પૈસા ખરાબ સમયે કામ લાગી શકે અને જરૂર પડતા કોઈપણ પ્રકારનું ટેન્શન ન થાય. તેના માટે એકબીજાની સલાહ લઈને યોગ્ય જગ્યાએ પૈસાનું રોકાણ કરો.
મી ટાઈમનું ધ્યાન રાખો
એકબીજાના મી ટાઈમનું ધ્યાન રાખો. કેટલીય વાર કપલ્સ રોજિંદી દોડધામ કર્યા પછી થોડો સમય પોતાના માટે કાઢવા ઈચ્છે છે, જેથી તે પોતાની પસંદ અને શોખ મુજબ કામ જેમ કે પુસ્તક વાંચવાનો શોખ, ગાર્ડનિંગનો શોખ અથવા અન્ય જેને મી ટાઈમમાં પૂરું કરી શકે, તેના માટે કપલ્સે એકબીજાને મી ટાઈમ અચૂક આપવો જેાઈએ.
સંબંધની મજબૂતી માટે
કરવામાં આવેલી મદદ માટે આભાર વ્યક્ત કરો.
એકબીજા પર સંપૂર્ણ વિશ્વાસ મૂકો.
એકબીજાની ચિંતા કરો.
એકબીજાની વાતને પૂરી સાંભળો પોતાની કોઈ વાત જબરદસ્તી ન થોપો.
એકબીજાને મહત્ત્વ આપવું જરૂરી.
એકબીજાને સમયસર અથવા વિશેષ પ્રસંગે ગિફ્ટ આપવાનું ન ભૂલો.
એકબીજા પર આરોપપ્રત્યારોપથી બચો.
ઈર્ષાનો ભાવ પેદા ન થવા દો.
– શોભા કટારે.
