વેસણી ઈંડાં રોલ

સામગ્રી
* ૪ ઈંડાં
* ૨ કપ વેસણ
* ૩ નાની ચમચી ઘી
* સેલડ પાંદડાં સમારેલા
* લાલ, પીળા અને લીલા કેપ્સિકમ સમારેલા
* બીટ છીણેલું
* ૧/૪ કપ મકાઈના દાણા બાફેલા
* ચાઈનીઝ સોસ, ચાટ મસાલો અને મીઠું સ્વાદ મુજબ.

રીત
૨ ઈંડાં બાફી લો અને ૨ ને વેસણમાં તોડીને લોટ તૈયાર કરો. જેા જરૂર હોય તો થોડું પાણી ઉમેરો. તેમાં મીઠું ઉમેરો. તેના લૂઆ બનાવીને રોટી વણીને નોનસ્ટિક તવા પર ઘી લગાવીને શેકી લો. બાફેલા ઈંડાને ૪ ભાગમાં કાપીને ટુકડા કરો. ચાઈનીઝ સોસમાં સામગ્રી મિક્સ કરીને રોટી પર મૂકો અને રોલ બનાવીને તરત ફોઈલમાં લપેટીને સર્વ કરો. ઈચ્છો તો કેપ્સિકમને હળવા શેલો ફ્રાય કરી શકો છો.