સ્પાઈસી વર્મી ટ્રીટ

સામગ્રી :
૨ કપ વર્મિસિલી
૧ કપ સાબુદાણા
૧/૨ ચમચી હળદર
૨ ટમેટાં
૧ ડુંગળી લંબાઈમાં સમારેલી
૧ કપ ગાજર, બીન્સ અને કોબીજ સમારેલી
૨ મોટી ચમચી માખણ
૧/૨ મોટી ચમચી બિરયાની મસાલા
૨ કપ પાણી
થોડું જીરું
મીઠું સ્વાદ મુજબ.

રીત :
ફ્રાઈંગપેનમાં માખણ ગરમ કરીને જીરું શેકો. પછી ડુંગળી નાખીને હળવી શેકો. તે પછી ટમેટાં ફ્રાય કરો. હવે બધા શાકભાજી નાખીને સોફ્ટ થાય ત્યાં સુધી ફેરવતા રહો. પછી હળદર અને બિરયાની મસાલા નાખો. વર્મિસિલી નાખીને ૪ કપ પાણી અને મીઠું નાખીને પાણી સુકાય ત્યાં સુધી ઢાંકીને ચડાવો. સાબુદાણા ધોઈને નાખો અને ૨ મિનિટ ઢાંકીને ધીમી આંચ પર પકાવો. ગરમાગરમ સર્વ કરો.